Isaya 43:11 - Bhiblia Yo Sawuleka

¹¹ Ani, ani ngani Mkoma, se hahanze kwangu, kha ku nga ni M'hanyisi.

Isaya 43:11 Referans Kwoze

Hoseya 13:4

Hambi keto, ani ngani Mkoma, Txizimu txako, kukhukhela ditikoni ka Egipta; ngukonaho, khu na mbi ziva tximwani txizimu hahanze kwangu, nguko kha ku na Muhanyisi, na i si ngani.

Isaya 44:6

Mkoma, Mfumeli wa Israyeli, i ku Mtiruli wakwe, Mkoma wa Mabutho a Tiyimbi, a khene: Ani ngani wo khata, kambe ngani wo gwita, hahanze kwangu, kha ku nga ni Txizimu.

Isaya 43:3

Nguko ani ngani Mkoma Txizimu txako, Msawuleki wa Israyeli, Mtxhatxhisi wako; ni ningete Egipta kuva mtxhatxhisi wako, ni Etiyopiya, ni Sebha, ka wukhalo wako.

Mithumo 4:12

Ku walo mmwani a sikotako kuhanyisa, kha di nga ho dimwani ditina, hahatshi ka nzuma, adiya vathu va nga ningwa, kasiku va txi hanyiswa ngu dona.”

Isaya 12:2

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

Isaya 44:8

Mi nga thaveni, kambe mi nga dhudhumeleni, ina kha na mi maha mi tiengisa, niku kha na mi zivisa kani? Nguko anu mi tifakazi tangu. Ina txiho tximwani Txizimu hahanze kwangu kani? Ahim-him! Kha ku nga ni dimwani Dirigwi, ni di zivako.

Dhewuteronome 6:4

Engisa awe Israyeli, Mkoma, Txizimu txathu, Mkoma mmweyo dwe.

Judha 1:25

ka txona txokha i ku Txizimu ni Muhanyisi wathu, txi nga hi hulukisa ngu Mkoma Wathu Jesu Kristu, wudhumo, wuhombe, mtamo ni kufuma, si nave ka txona kukhukhela ka totshe timbimo ti ti nga pinda, ni konkuwa, ni ka malembe ni malembe. Amen.

2 Pedro 3:18

Ngu toneto, kulani amu ka kateko ni kuziva Mkoma ni Muhanyisi Jesu Kristu. Kwakwe ku nave ni kupfaliswa, konkuwa ni ka ditshiku da wutomi wo mbi guma! Amen.

Luka 2:11

Nyamsi, didhoropani ka Dhavhidha, a velekilwe Muhanyisi, awu i ku Kristu Mkoma.

Hoseya 1:7

Kambe na pfela wumbilu va nyumba ya ka Judha, aniko ni na va hulukisa ani Mkoma, Txizimu txawe; nguko kha ni na mbi va hulukisa ngu wulaho, hambi ngu ditxhari, mwendo ngu yimbi, ni mahantxhi kumbe ngu vagadhi va mahantxhi.

Mtuletelo 1:11

“Ati u ti wonako, ti bhale amu ka dibhuku, u txi ti rumela ka mabanza a mtxhanu ni mambidi: Efesu, Esmirna, Pergamo, Tiyatira, Sardhisi; Filadhelfiya ni Laodhikheya.”

1 Johani 4:14

Se athu hi ti woni, kambe ha fakaza ti to Tate a rumete Mwanana wakwe ku ta maha Muhanyisi wa ditiko.

Titosi 2:13

na hi txi verela txithembo txathu txa ditshuri, i ku kupfaliswa ka Txizimu txathu txa hombe ni Muhanyisi wathu Jesu Kristu.

Titosi 2:10

si si thuki si pa, aniko, si na mahe mithumo yi yi kombako kuthembeka ka kuhetiseka, si ninga lisima, ngu mahanyelo oneyo, ka gondo ya Txizimu, Muhanyisi wathu.

Luka 1:47

ni moya wangu wu tsakela Txizimu, Muhanyisi wangu,

Masalmo 3:8

Kuhanyisa kuta ngu kwako, Mkoma makatekwa ako ma nave txitimwi ka ngamu yako.

Isaya 19:20

Se txi na maha txikombiso ni wufakazi, ka Mkoma wa Mabutho a Tiyimbi, ditikoni da Egipta, nguko va na dila ka Mkoma ngu mhaka ya vaxanisi, ene a na va rumela Mtiruli ni M'vhikeli, va no va txhatxhisa.

Isaya 42:8

Ani ngani Mkoma; adiya ditina dangu; wudhumo wangu koko, kha ni na mbi ninga mmwani, hambi kudhumiswa kwangu, kha ni na mbi kuningela ka sithombe so vatwa.

Isaya 60:16

Kambe u na mama masi a matiko, se u na ti dyisa tikhanani ka vafumeli; u na tiziva ti to ani ngani Mkoma, Muhanyisi wako, Mtiruli wako, ni nyamitamo wa va ka Jakobe.

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Jona 2:10

Sekoko Mkoma a to womba-womba ka txihaka, se txona txi to kosa Jona ha mafuni.