Isaya 42:9 - Bhiblia Yo Sawuleka

⁹ Wona taku, timhaka ta kale ti pindile, na mi zivisa timhaka ta tiphya, na mi zivisa ti sanzi kuwoneka.

Isaya 42:9 Referans Kwoze

Isaya 43:19

Wonani taku ni na maha mhaka ya yiphya, se konkuwa ti huma hakubasani; ina kha mi na mbi tiziva kani? Wonani taku ni na dola nzila txiwulani, ni minambo ligwangwani.

Johani 13:19

Na mi gela mhaka yiya, yi sinzi kumaheka, kasiku, ditshiku di yi humelelako, mi na kholwa ti to ‘Ani Ngani.’

Joxuwa 21:45

Kha ku nga ho dipswi ni da dimwedo, di nga wa hahatshi ka otshe mapswi amanene, aawa Mkoma a nga ma womba ka va ka Israyeli; totshe ti mahekile.

1 Vafumeli 11:36

Se mwanana wakwe ni na mninga lihunzu limwelo, kasiku txithumi txangu Dhavhidha a na va ni dilambu masoni kwangu kona Jerusalema, didhoropa di ni ngadi sawula kasi kuveka kona ditina dangu.

Mithumo 15:18

Awu a nga zivisa simaha siya kukhukhela ka timbimo ta kale.’ ”

Isaya 48:3

Ni zivisile kukhukhela kale timhaka to khata; ina, txisofu txangu txi ti wombile, se ani ni ti mahile ti pfala; ngu kukuluveta ni ti mahile, kambe ti pindile.

Isaya 48:6

Kambe u khala ku tipfa; ti wonisise kha kwati totshe tiya; Ina kha mi na mbi ti zivisa kani? Kukhukhela konkuwa, na kumaha u engisa timhaka tatiphya, ta txihunja, ati u si khaliko ku tiziva.

Isaya 48:5

Ngu toneto, ni kuzivisile kukhukhela kale, kambe ni kuzivisile na ti sanzi kumaheka, kasi ku u si khawe: “Simaha siya si mahilwe ngu txithombe txangu, mwendo txifananiso txangu txo vatwa, mwendo txifananiso txangu txo wumbwa,” si rumisile kumaha.