Isaya 42:7 - Bhiblia Yo Sawuleka

⁷ kasi kutula maso a mabhofu, kasi kuhumisa vo sungwa kusungwani, ni mkorani avale va ku txidemani.

Isaya 42:7 Referans Kwoze

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

Isaya 49:9

kasi ku txi khawe ka vale vo sungwa: Humani; se ni ka vale va ku txidemani, u txi khawe: Ti wonekiseni. Vona va na dyisela tinzilani, ni ka otshe makhalo o guleka va na mana wudyiselo wawe.

Isaya 35:5

Sekoko maso a mabhofu ma na tulwa, ni tinzeve ta maphanzeve ti na tuleka.

2 Timoti 2:26

ni kuvaninga kambe kutshumela ve wuya ka wuzivi, txi va ponisa ka mlawu wa Sathani, a nga ti va bzwetile ngu wona, kasiku ve maha kuranda kwakwe.

Matewu 11:5

Mabhofu ma wona; sidiya sa tsimbila; vatshekela va basiswa; maphanzeve ma engisa; vakufa va wuswa ve hanya; sisiwana sa txhumayelwa Evhangeli.

Luka 24:45

Sekoko a to va tula mapimo awe, kasiku ve mana kupfisisa Mibhalo;

Mtuletelo 3:18

Na kulaya ti to u ta xava kwangu nzalama yo tshuriswa ngu mndilo, kasiku u txi maha nyatithombe, u xava syambalo so basa, kasiku u ti fenengeta ti to ku si woneki tingana ta wusakato wako, ni mafura o tota maso ako, kasiku u wona.

Johani 9:39

Konaho Jesu a to womba a txi khene: “Ani ni tete ku ta lamula ha ditikoni, kufela ku ava va si woniko ve mana kuwona, ani vale va wonako ve maha mabhofu.”

Isaya 29:18

Se ka ditshiku dile, maphanzeve ma napfa mapswi a dibhuku, ni mabhofu ma na thaviswa mphume me wona txidemani.

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Mithumo 26:18

Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”

Isaya 9:2

Vathu va va nga ti tsimbila txidemani, va woni liwoningo la hombe; ni ka va va nga ti zumbile ditikoni ka mtsudi wa lifo, ku humelete liwoningo txitimwi kwawe.

2 Vakorinto 4:6

Txizimu txi txi nga womba ti to ku na tumbuluke liwoningo mu ka txidema, ngu txona txi nga woninga timbilu tathu, kasiku nanathu hi txi woninga vathu ngu wuzivi wa kuphatima ka Txizimu, aku ku wonekako ka Kristu.

Isaya 42:22

Kambe avava mbathu vo pelwa ni kuhandwa; votshe va rinzilwe maphalani, ni kusiswa tinyumbani ka mikora; va ñotwe, kuwalo wo va txhatxhisa; va handwa, kha ku nga ni wo khene: Tshumeta!

Isaya 42:16

Ni na tsimbitisa mabhofu ngu nzila yi ma si yi ziviko, ni na ma maha me tsimbila ngu magondo ale ma nga mbi ma ziva; ni na hundula txidema txi maha kuwonekela masoni kwawe; ni so maha so gombonyeka ni na si lulamisa. Simaheso ni na si maha, kambe kha ni na mbiswa ni va leka.

Johani 9:7

e di gela ku khene: “Tsula u txi ya samba dizivani ka Silowame (ti ti wombako ku ‘Txirumwa’).” Ti di mahile eto, ene a tsute eya samba, se e wuya a txi wona.

Mika 7:9

Ni na xaniswa ngu kuhenya ka Mkoma, nguko ni mu onhete, kala kuza e lamula mhaka yangu, e ni mahela madingano angu, ene a na ni wuyisa kuwonekelani, se ani ni na wona kululama kwakwe.

Masalmo 97:7

Va na wiswa tingana votshe vale va khozelako sithombe, votshe vale va ti guletako ngu sizimu so mbi vhuna txilo; ni sotshe sizimu si na khizamele Mkoma Txizimu!