Isaya 42:2 - Bhiblia Yo Sawuleka

² Kha na mbi dila, kha na mbi henya, hambi dipswi dakwe kha na mbi di pfalisa mitendelani.

Isaya 42:2 Referans Kwoze

2 Timoti 2:24

Kasi awu i ku txithumi txa Mkoma kha faneli kulwa mazunga. A fanete kuhanya ngu kuthutha ni votshe vathu, a txi ziva kugondisa, a txi honisela amu ka sixaniso.

Luka 17:20

A wotisilwe ngu Vafarisi ti to Mfumo wa Txizimu wu nata ditshiku muni, se ene a to va xamula a txi khene: “Mfumo wa Txizimu kha wu woneki kuta ka wona.

Matewu 11:29

Tekani mpakato wangu, mi txi gonda ngu ngani, ani ni ku wo thutha ni wa mbilu ya kutiveka hahatshi, mi na mana kuhumula mihefemuloni kwanu.

1 Pedro 2:23

Ene, mbimo yi va nga ti mruketela, kha ruketela nene. Mbimo yi va nga ti m'xanisa, kha va henyela, aniko a to ti ningela ka wule a lamulako ngu kululama.

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Isaya 42:1

Wonani Txithumi Txangu, txi ni txi seketelako, Msawulwa wangu, awule moya wangu wu mtsakelako; Ni vekile Moya wangu txitimwi kwakwe; a na humisa kululama hagari ka vamatiko.

Isaya 42:3

Litshava li li nga thidyaka, kha na mbi li funya, kambe kha na mbi tima ngoti yi yi tuvikako; ngu ditshuri a na humisa wululamo.