Isaya 42:19 - Bhiblia Yo Sawuleka

¹⁹ I mani i ku dibhofu, i si nga txithumi txangu, mwendo diphazeve kufana ni txirumwa txangu, atxi ni txi rumako kani? Niku i mani i ku dibhofu kufana ni wule a randekako, i ku dibhofu kufana ni txithumi txa Mkoma kani?

Isaya 42:19 Referans Kwoze

2 Vakorinto 4:4

Ngu vona vale va si kholwiko, ava Txizimu txo biha txa ha mafuni txi nga va maha mabhofu mapimoni kwawe, kasiku va si woni liwoningo la Evhangeli ya wudhumo wa Kristu, awu i ku txifananiso txa Txizimu.

Ezekhiyele 12:2

Awe mwanana wa m'thu, u zumba hagari ka vathu va kutitsimba, va maso o dingana kuwona aniko kha va woni, kambe va ni tinzeve to dingana kuengisa aniko kha va engisi; nguko i nyumba ya kutitsimba.

Jeremiya 5:21

Engisani koko, anu vathu vo bharuka, mi singako ni mapimo, mi ku ni maso ma si woniko, ni tinzeve ti si engisiko!

Varoma 11:25

Nguko, vanathu, kha ni ti dhundi ti to mi timelelwa ngu msisalo wuwa, kasiku mi si thuki mi txi alakanya ti to mi txharihile: Va ka Israyeli vokari va bangisilwe timbilu, kala kuza ve wulela votshe vamatiko;

Johani 12:40

“A phumisile maso awe e bangisa timbilu tawe, kasiku va si woni ngu maso, ni ku va si pimi ngu timbilu tawe, kufela ku va si hunduluki, nani ni si va hanyisi.”

Johani 9:41

Jesu a to va xamula, a txi khene: “Idiku kha mi nga mabhofu, nga mi si nga ni mnandu. Aniko ngako mi ku khanu: ‘Ha wona!’ Ngu toneto, txionho txanu txi namarete.”

Johani 9:39

Konaho Jesu a to womba a txi khene: “Ani ni tete ku ta lamula ha ditikoni, kufela ku ava va si woniko ve mana kuwona, ani vale va wonako ve maha mabhofu.”

Jeremiya 4:22

“Nguko vathu vangu va bharukile: Kha va ni zivi; vanana vo mba ziva, na va si nga ni kupima. Vona va txharihile kumaha kubiha aniko kha va sikoti kumaha wunene.”

Isaya 56:10

Votshe vawoneleli vakwe va mabhofu, kha va zivi txilo; votshe ndimbwa ta siduma, kha va sikoti kuwukula; mba wukohe, va zumba va di otete, kambe va randa kukhudhahela.

Isaya 44:26

ngani ni tsanisako dipswi da txithumi txakwe, kambe na tatisa makungo a sirumwa sakwe, ni wombako ka Jerusalema, ni txi khani: Ku na akwa kwako, se ka madhoropa a ka Judha ni khani: Mi na aketwa, ni ti to ani ni na wusa marumbi anu;

Isaya 41:8

Aniko awe Israyeli, txithumi txangu. Awe Jakobe, awe ni nga kusawula, liveleko la Abrahamu, mngana wangu.

Isaya 26:3

Awe u na xayisa ngu kudikha awule mapimo akwe ma nga tsana kwako; nguko ene wa kuthemba.

Isaya 6:9

Sekoko ene a nje khene: Tsula u ya gela vathu vava, u txi khawe: Mi na engisa, aniko kha mi na mbi ti pima; kha ditshuri mi na wona, aniko kha mi na mbi wonisisa.

Matewu 13:13

Ngu toneto, ni wombako navo ngu sidinganiso; nguko va wona, aniko kha va wonisisi; va engisa aniko kha va engisisi ni kupimisa.

Isaya 27:5

Mwendo wa kuhonyola mtamo wangu, a txi va ni kudikha ni nani, ina, a nave ni kudikha ni nani.

Isaya 29:18

Se ka ditshiku dile, maphanzeve ma napfa mapswi a dibhuku, ni mabhofu ma na thaviswa mphume me wona txidemani.

Isaya 43:8

Tisani vathu va i ku mabhofu, avale va ku ni maso; ni maphazeve ale ma ku ni tinzeve.