Isaya 42:1 - Bhiblia Yo Sawuleka

¹ Wonani Txithumi Txangu, txi ni txi seketelako, Msawulwa wangu, awule moya wangu wu mtsakelako; Ni vekile Moya wangu txitimwi kwakwe; a na humisa kululama hagari ka vamatiko.

Isaya 42:1 Referans Kwoze

Luka 3:22

Se Moya wo Sawuleka wu to txhika txitimwi kwakwe ngu txifaniso txa txituvane. Se dipswi da kuta ngu nzumani di to pfala, di txi kha dona: “Awe u Mwanana wangu wo randeka ngutu; ni vekile kwako kotshe kutsaka kwangu.”

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

Isaya 52:13

“Wonani taku, txithumi txangu txi na maha ngu wunene; txi na kuliswa, ni kuguletwa, ni kuthaviseka ngutu.”

Vafilipiya 2:7

aniko ene ngu kuranda kwakwe, a tekile txiemo txa txithumi, e ti fananisa ni vathu, a txi ti wonekisa kota nga m'thu.

Isaya 43:10

Anu mi tifakazi tangu, kuwomba Mkoma; txithumi txangu txile ni nga txi sawula; kasi ku mi na tiziva, mi kholwa kwangu, ni ti to mi pfisisa taku ani ngani nipune, ni ti to hahanze kwangu kha ku khali ku va ho tximwani txizimu, ni msana kwangu kha ku na mbi vaho tximwani Txizimu.

Matewu 17:5

Ene a di ngadi a txi womba tiya, ku to humelela direfu do woninga, di nga va fenengeta, se direfuni mule ku to pfala dipswi, di di nga womba tiya: “Awuwa i Mwanana wangu wo randeka ngutu, awu ni tsakiswako ngutu ngu ngene. Mu engiseni!”

Isaya 53:11

A na wona mthumo wa muhefemulo wakwe, e tsaka; ngu wuzivi wakwe, txithumi txangu, mlulami, txi na emela votala, nguko wubihi wawe a na wu rwala.

1 Pedro 2:4

Ngonani hafuhi ka Mkoma, i ku dirigwi do hanya, adi di nga nyenywa ngu vathu, aniko i ku da kusawulwa ni kudhundeka masoni ka Txizimu.

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

Isaya 41:8

Aniko awe Israyeli, txithumi txangu. Awe Jakobe, awe ni nga kusawula, liveleko la Abrahamu, mngana wangu.

Vaefesu 1:6

kasi ku hi txi pfalisa Txizimu ngu wudhumo wa tikateko ta txona, hi nga ningwa ngu Mwanana wa txona wo randeka.

Johani 3:34

Awu a nga rumwa ngu Txizimu a womba-womba mapswi a Txizimu, nguko ngu txona txi nga mninga Moya i si nga ngu mpimo.

Vakolosa 1:13

Ene a hi ponisile ka txidema, a txi hi rurisa hi txi ya mfumoni ka Mwanana wakwe wo randeka,

Vaefesu 1:4

Ngu kota yakwe, Txizimu txi hi sawute, di sinzi kumahwa ditiko, kasi ku hi txi mana wululami wa lirando ni kuzumba hi si nga ni txisolo masoni ka txona.

Mithumo 10:38

ti to Txizimu txi totile ngu Moya wo Sawuleka ni kutsanisa Jesu wa Nazareta; awu a nga tsimbila a txi maha ta tinene, e hanyisa votshe vale va nga ti xaniswa ngu Sathani, nguko Txizimu txi ti ni nene.

Isaya 59:21

Se ani ngu kwangu, atxiya njitumelelano txangu navo, kuwomba Mkoma: Moya wangu, wu ku txitimwi kwako, ni nga wu veka txisofuni kwako, kha wu na mbi huma txisofuni kwako, hambi ngu txisofuni ka vanana vako, mwendo ngu ka txisofu txa vatukulu vako, kuwomba Mkoma, kukhukhela konkuwa kala kupinduka.

1 Pedro 2:6

Ngu mhaka yeto, amu ka Mibhalo, ti ho ti taku: “Wonani, na veka ka m'ti wa Siyoni dirigwi da lisima di di nga sawulwa, do dhundeka; awule a kholwako ka dona, kha na mbi wiswa tingana.”

Mithumo 28:28

“Ti ziveni koko ti to mhaka yiya ya kuhanyiswa ngu Txizimu yi rumetwe ka vamatiko, se vona va na yi engisa.”

Mithumo 9:15

Kambe Mkoma a ti khene kwakwe: “Tsula, nguko awuwa, ngu txona txiya txi ni nga ti sawulela txona, kasiku hokisa ditina dangu ka vamatiko, ni ka mfumeli, ni ka vanana va Israyeli.

Luka 9:35

Di to huma dipswi direfuni di txi kha dona: “Awuwa i Mwanana wangu wa kusawuleka. Mu engiseni.”

Zakariya 3:8

Engisa koko, awe Joxuwa, mphaxeli wa hombe, awe ni vangana vako, vale va nga khalahatsha masoni kwako, nguko mbavamna va mapimo amanene; wona taku ni na tisa txithumi txangu, atxi i ku kuthunga.

Isaya 2:4

Se ene a na lamula txitimwi ka matiko, kambe a na tsayisa matiko o tala; a na hundulusa matxhari awe me maha misuka, ni tingove tawe ti maha masikela; ditiko kha di na mbi guleta ditxhari do lwisa dimwani ditiko; kha va na mbi gondela kambe kulwa yimbi.

Mithumo 11:18

Ngako va di pfite timhaketo, va to malala ve dhumisa Txizimu, va txi kha vona: “Kunene, ni vona vamatiko Txizimu txi va ningile kuhunduluka ku ku yisako wutomini.”

Johani 16:32

Wonani, ya ta mbimo, ni konkuwa yi hokile, ayi mi no hangalaka, mmwani ni mmwani e teka nzila yakwe, mi txi ni siya ni di nokha; kambe kha ni nga nokha, nguko Tate a ni nani.

Johani 6:27

Mi nga karatekeni ngu kuthumela sakudya si si pindako, aniko thumelani asi si no va si diho kala kuhoka ka wutomi wo mbi guma, asiya Mwanana wa M'thu a no mi ninga, nguko Ene wu, ngene a nga vekelwa txixambanyo ngu Txizimu Tate.”

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Isaya 32:16

Se kulamula ku na zumba txiwulani, ni wululamo wu na maneka thembweni ko nona.

Luka 4:18

“Moya wa Mkoma wu txitimwi kwangu, nguko Ene a ni totile, kasiku ni ya huwelela mahungu amanene ka sisiwana, a ni rumete kuya nuwela mhaka ya kuthukunyulwa ka va vo sungwa, ni ka mabhofu kuningwa kutshumela me wona, kuya thusa ava va xaniswako,

Luka 4:19

ni kupeka nyiwo ya dilembe do kateka da Mkoma.”

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Isaya 41:9

Awe ni nga kuteka kukhukhela magwito ka mafu, ni txi kudhana ngu hagari ka makhalo ako amanene ngutu, ni txi khani: Awe u txithumi txangu, ni kusawute, kha na kuleka;

Isaya 42:2

Kha na mbi dila, kha na mbi henya, hambi dipswi dakwe kha na mbi di pfalisa mitendelani.

Hagayi 2:23

Ka ditshiku dile kuwomba Mkoma wa Mabutho a Tiyimbi, ni na kuteka awe Zorobhabheli, mwana Salatiyeli, txithumi txangu, kuwomba Mkoma, kambe ni kumaha u txi fanana ni phera yo tsanisa ngu yona; nguko ni kusawute, kuwomba Mkoma wa Mabutho a Tiyimbi.

Masalmo 72:4

Mfumeli a na vhikele sisiwana sa ditiko; e vhuna sisiwana ni kuganyatela vaxanisi!

Masalmo 89:4

Liveleko lako li na simama li fuma yotshe mbimo ni na tsanisa wukoma wako ka liveleko ni liveleko.”

Isaya 50:10

I mani hagari kwanu a thavako Mkoma, kambe a engisako dipswi da txithumi txakwe kani? Ngako a txi tsimbila txidemani, ko pwata ni kuwonekela, a na thembe ditina da Mkoma, kambe a na tsane ka Txizimu txakwe.

Isaya 63:1

I mani wuwa a tako ngu Edhomi, ka Bhozira, ni syambalo so bhilivila kani? Awu syambalo sakwe i ku so dhundeka, a tsimbilako ngu mtamo wakwe wa hombe kani? Ani ni wombawombako ngu kululama, ni mtamo ngutu kasi kuhanyisa.