Isaya 41:6 - Bhiblia Yo Sawuleka

⁶ Mmwani ni mmwani a to vhuna mkwawe, se ka mngana wakwe a txi khene: Tsana!

Isaya 41:6 Referans Kwoze

Isaya 44:12

Mtshuli wa maha ditxhapu, kambe a thuma ngu makala a mndilo, se edi tshula ngu hamela, ni ku di vavela ngu mtamo wa diwoko dakwe; ene a ni nzala, kambe mtamo wakwe wa kelela, se kha seli mati, kambe wa karala.

Isaya 40:19

Mthumi wa vata txithombe, se mtshuli e nameketela nzalama ka txona, ni ku txi mahela liketani la silivhela.

Isaya 35:4

Gelani va va pandisekako timbiluni, mi txi khanu: Tsanani, mi nga thaveni! Wonani taku Txizimu txanu txi nata, ku ta mi photela, ni txhatxazelo ya Txizimu; txona txi nata, txi ta mi hanyisa.

Isaya 41:5

Sitondolo si ti woni, si thava; mafu otshe ma to zinginika, si to tshuketa, si txi ta.

Isaya 41:7

Se mthumi a tsanisa mtshuli, ni wu a thumako ngu hamela, ka wule a khandako txithombe, a txi khene ngu txile txi nga tshulwa: Njinene. Sekoko e txi tsanisa ngu sipikiri, kasi ku txi si dekadeki.