Isaya 41:5 - Bhiblia Yo Sawuleka

⁵ Sitondolo si ti woni, si thava; mafu otshe ma to zinginika, si to tshuketa, si txi ta.

Isaya 41:5 Referans Kwoze

Masalmo 67:7

Txizimu txi na hi katekise! Mafu otshe ma na txi thave!

Masalmo 66:3

Wombani mi txi khanu ka Txizimu: “Mithumo yako ya diwukisa, Txizimu! Mtamo wako mbwa hombe ngutu aha koza valala vako ve nama ve dhudhumela masoni kwako.

Masalmo 65:8

Hambi ni vale va nga aka ka matiko a kule va dhudhumela masoni ka sidiwukiso sako; simaho sako si tisa mikulungwani ya litsako kukhukhela makhatoni kala magwito ka ditiko.

Joxuwa 5:1

Se ku to maheka taku, va di ti engisile votshe vafumeli va Vaamori, avale va nga ti akile mtxhatuko ka Jordhani, ngu mswa-ditambo, ni votshe vafumeli va Vakanana, avale va nga ti hafuhi ni linene lile Mkoma a nga ti omisile mati a Jordhani, masoni ka vanana va ka Israyeli, kala kuza hi pinda, timbilu tawe ti to txutxeka, ve wika misana ngu mhaka ya vanana va ka Israyeli.

Joxuwa 2:10

Nguko hi ti nga pfa taku Mkoma a phwisile mati a Linene lo Bhilivila masoni kwanu, mbimo yile mi nga huma ngu Egipta, ni ti mi nga maha ka vafumeli vambidi va Vaamori, ka Seyoni ni ka Oge, avale va nga ti ti mtxhatuko ka Jordhani, evo mi nga va lovisa.

Eksodha 15:14

Vathu va na tipfa, va na dhudhumela; Vazumbi va ditiko da Vafilista va ñolwa ngu kuthava.

Genesisi 10:5

Kukhukhela ka vava, ku tumbulukile votshe vathu va va zumbako sitondoloni, na mazumbelo awe ma txi ya ngu tixaka tawe, ni tidimi tawe, ni mafumelo awe.

Isaya 41:1

Malalani masoni kwangu anu sitondolo; anu vathu wusetani mitamo, tshuketani, sekoko wombawombani; a hi tshuketeni hotshethu hafuhi ka mlamuli.

Isaya 41:6

Mmwani ni mmwani a to vhuna mkwawe, se ka mngana wakwe a txi khene: Tsana!

Ezekhiyele 26:18

Konkuwa, si na zinginika sitondolo ngu ditshiku da kuwa kwako; sitondolo si ku lineneni, si na dhungeka ngu kukhukha kwako.

Masalmo 65:9

Awe wa xayisa ditiko, u txi di rumela txyandela u txi di ninga kunona ni kupfuna. Wa tata minambo yi txi khulunga se u txi nonisa tithembwe ta fulaho, nguko mafu u ma mahete toneto.