Isaya 41:22 - Bhiblia Yo Sawuleka

²² Tisani mi ta hi gela timhaka ti ti no humelela, hi ziviseni timhaka ti ti nga pinda, kasi ku hi na ti pfisisa, ni kuziva magwito a tona; mwendo hi geleni ati titako.

Isaya 41:22 Referans Kwoze

Isaya 45:21

Zivisanani mi tshuketa, mi maha txikungo motshenu; i mani a nga zivisa tiya kukhukhela kale kani? I mani kukhukhela kaleko a nga zivisa kani? Ina hingani Mkoma kani? Se kha ku na tximwani Txizimu hahanze kwangu; Txizimu txo lulama, ni M'uhanyisi, kha txingaho, hahanze kwangu.

Isaya 48:14

Sengeletanani anu motshenu, mi engisa: I mani hagari kwawe a khalako kuzivisa timhaka tiya, kani? Mkoma a mrandile, a na maha kuranda kwakwe txitimwi ka Bhabhilona, ni diwoko dakwe di na wukela Vakaldheya.

Isaya 46:10

ni zivisa magwito kukhukhela makhatoni, ni kukhukhela kale ngutu atile ti sanziko kumaheka; ni ku khani: “Makungo angu ma na tsana, se ni na maha kotshe kuranda kwangu”;

Isaya 44:7

Se i mani a no dhana kufana ni nani, e zivisa eto, e ti txhatxhameta masoni kwangu, kukhukhela ku ni nga txhatxhameta vathu ngu ha ku si gwitiko kani? Awu a zivisako asi si tako, ni si si ku ngadi si txi nata.

Johani 16:14

Ene a na ni dhumisa, nguko a na amukela ti i ku tangu, a txi mi gela tona.

Johani 13:19

Na mi gela mhaka yiya, yi sinzi kumaheka, kasiku, ditshiku di yi humelelako, mi na kholwa ti to ‘Ani Ngani.’

Isaya 42:9

Wona taku, timhaka ta kale ti pindile, na mi zivisa timhaka ta tiphya, na mi zivisa ti sanzi kuwoneka.

Isaya 41:26

I mani a nga zivisa toneto kukhukhela kukhatani, kasi ku hi sikota kuziva; mwendo ka yimwani mbimo, kasi ku hi na khathu: Ina ti lulamile kani? Aniko kha nga ho wu a zivisako, mwendo kukombekisa, hambi kuengisa mapswi anu ni ka kudotho.

Isaya 48:3

Ni zivisile kukhukhela kale timhaka to khata; ina, txisofu txangu txi ti wombile, se ani ni ti mahile ti pfala; ngu kukuluveta ni ti mahile, kambe ti pindile.

Isaya 45:22

Hundulukelani kwangu mi na hanyiswa, anu motshenu mihingano ya mafu; nguko ani ni Txizimu, kha ku na tximwani.