Isaya 41:2 - Bhiblia Yo Sawuleka

² I mani a nga wusa mlulami ngu Wutxani, e m'dhana eta hafuhi kwakwe kani? I mani a nga ningela matiko masoni kwakwe, ni ku mmaha e khozisa vafumeli kani? A va ningete ka ditxhari dakwe, va txi nga lithulu, va txi nga lingove lo pengiswa ngu moya, ka wulaho wa lona.

Isaya 41:2 Referans Kwoze

Isaya 45:1

Mkoma a wombi tiya ka mtotiwa wakwe Siro, awule ni mñolako ngu dianza dakwe da txinene, kasi ku ni xula matiko masoni kwakwe; ni na thukunyula siwunu sa vafumeli, kasi kutula matimba masoni kwawe, kambe matimba kha ma na mbi sekwa.

2 Samuwele 22:43

Sekoko ni to va tshinda va txi nga lithule la mafu, ni va kandetela ni ku vafuvisa kufana ni lidhaka la hanzila.

Isaya 46:11

Ni dhanako makoti kukhukhela Wutxani, ni m'thu wule a no maha kuranda kwangu, a nata ngu ditikoni ka kule; nguko ni wombile, kambe ti na mahisa toneto; ani ni tsanisile, ni na ti maha.

Isaya 41:25

Na wusa mmweyo ngu Wuphemba, se ene a nata; kukhukhela kuhumani ka ditambo; a na khumbuka ditina dangu; kambe a nata txitimwi ka vathaviseki, ku nga txitimwi ka ndope; ni kufana ni muwumbi a kandetelako dibumba, ngu toneto, a na va kandetelisa toneto nene.

Isaya 40:24

Se kha va phawi, hambi kuxwaywa, hambi kuzima mikoloti mafuni, ya txitsha txi txi nga sala; wa futeta txitimwi kwawe, se va txi oma; se moya wu na va purumisa kufana ni mthungu.

Ezra 1:2

Mkoma, Txizimu txa nzuma, a ni ningile yotshe mifumo ya ha mafuni; se a ni rwekile ku mu akela nyumba kona Jerusalema, i ku kona Judha.

Isaya 45:13

Ani ni m'wisile ngu kululama, se totshe tinzila takwe ni na ti lulamisa; ene a na aka didhoropa dangu, kambe a na txhatxha tikhumbi tangu, i si nga ngu hakhelo hambi ngu siningo, kuwomba Mkoma wa Mabutho a Tiyimbi.

2 Makronika 36:23

Siro mfumeli wa Persiya a khene: Mkoma Txizimu txa nzumani, a ni ningile yotshe mifumo ya ha mafuni, e ni rweka mthumo wo mu akela nyumba kona Jerusalema, ditikoni da Judha. Ni wuhi a kuho hagari kwanu, ka votshe vathu vakwe, a na kwelele eya Jerusalema, se Mkoma, Txizimu txakwe txi na va ni nene.

Vahebheru 7:1

Melkisedheki wuwa, mfumeli wa Salema, mphaxeli wa Txizimu Nyatxitimwi, a to hingeta Abrahamu, awu a nga ti wuya ngu kuxulani ka vafumeli; se e mkatekisa.

2 Vafumeli 13:7

Kha nga siya vathu votala ka Jehowakazi, hahanze ka mtxhanu wa magumi a vagadhi va mahantxhi, ni digumi da sikotxikani, ni 10.000 wa vavamna va kutsimbila ngu mikondo, ngako mfumeli wa Siriya a ngadi va khundumusile, e va tshinda va txi nga mpupu.

Genesisi 17:1

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, Mkoma a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

Genesisi 11:31

Tera a to teka mwanana wakwe Abramu, ni mtukulu wakwe Loti, mwana Harani, ni mame wakwe Sarayi, msikati wa Abramu, e rura navo ditikoni ka Uri ka Vakaldheya, ve tsula ditikoni ka Kanana, aniko, va di hokile ditikoni ka Harani, va to aka ve zumba kona.

Mtuletelo 7:2

Ni woni yimwani ngelozi yi txi huma ngu wutxani, yi di ni txixambanyo txa Txizimu txi txi hanyako. Yona yi to kwangula ngu dipswi da hombe ka mune wa tingelozi ti ti nga ningwa mtamo wa kuonha mafu ni linene, yi txi kha yona:

Mtuletelo 16:12

Ngelozi ya wutxhanu ni yimweyo yi to theketa digombe da yona txitimwi ka mnambo wa hombe wa Ewufrate, se mati a mnambo ma to phwa me tulela nzila vakoma va Wutxani.

Isaya 41:3

Wa va tutumisa, e pinda ngu kudikha, ka nzila yi asi khaliko kutsimbila ngu yona.

Isaya 42:6

Ani Mkoma ni ku dhani ngu kululama, kambe ni na kuñola ngu dianza, ni na kuxayisa; ni na kuningela uva txitumelelano txa vathu, ni kuva liwoningo ka vamatiko;

Isaya 48:15

Ani, ngani ni nga womba; kambe ni m'dhani, ni na mtisa, ni kumaha nzila yakwe yi humelela.

Sidilo 1:15

Mkoma a txhipisile totshe tindena tangu hagari kwangu; a sengeletile vathu vo talwa ni majaha angu a ni kandetete a txi nga o suka mauvha ha libangani, ani ni ku dihorana da Judha.