u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.
Ani Mkoma ni ku dhani ngu kululama, kambe ni na kuñola ngu dianza, ni na kuxayisa; ni na kuningela uva txitumelelano txa vathu, ni kuva liwoningo ka vamatiko;
Aniko Mkoma a ni emete, a txi ni tsanisa, kasiku dipswi di txi txhumayelwa ngu ngani, ngu kuhetiseka, ti to di txi mana kuengiswa ngu votshe vamatiko. Ani ni hulukisilwe ka txisofu txa ngonyamo.
Mkoma a wombi tiya ka mtotiwa wakwe Siro, awule ni mñolako ngu dianza dakwe da txinene, kasi ku ni xula matiko masoni kwakwe; ni na thukunyula siwunu sa vafumeli, kasi kutula matimba masoni kwawe, kambe matimba kha ma na mbi sekwa.
Ka votshe vanana vale u ngave navo, kuwalo ni wammweyo a ku kombako ditshuri; ni ka votshe vanana vale u nga va wunja, kuwalo ni wammweyo a mñolako ngu dianza.
Kambe Mosi a to khene ka vathu: “Mi nga thaveni; manekani mi di tsani, nguko nyamsi mi na wona ti Mkoma a no mi hulukisisa tona; nguko Vaegipta vava mi va wonako nyamsi, kha mi na mbiswa mi txi va wona kambe.
U nga thave koko, awe txithumi txangu Jakobe, kuwomba Mkoma, kambe u nga xamale, awe Israyeli; nguko ni na kuhumisa ka matiko a kule, ni vanana vako, ngu ditikoni ka wukhumbi wawe; se Jakobe a na wuya, e ta humula, kambe a na zumbiseka, kha ku na mbi vaho wo m'dhukisela.
U nga thave, awe txithumi txangu Jakobe, hambi kuxamala awe Israyeli; nguko ni na kuhumisa ngu kule, ni vanana vako ngu ditikoni ka wukhumbi; se Jakobe a na wiya, a txi ta humula ni kuzumbiseka kha ku na mbi maneka wo m'dhukisela.