Isaya 41:11 - Bhiblia Yo Sawuleka

¹¹ Wona taku, votshe vale va ku henyelako, va na wiswa tingana ni ku khulumetelwa; kambe kha va na mbi va va txilo; ni vale va kulwisako, va na lova.

Isaya 41:11 Referans Kwoze

Eksodha 23:22

Aniko ngako u txi engisa ngu kuthembeka u txi maha totshe atile ni no kugela, sekoko ni na va ni di mlala wa valala vako ni txi wukela avale va kuphikako.

Isaya 45:24

Va na kha vona ngu ngani: Kululama ni mtamo si ka Mkoma dwe; va nata kwakwe, aniko kha va na mbiwa tingana, votshe vale va no henya va txi mwukela.

Mtuletelo 3:9

Ni na kuningela vokari va disinagoga da Sathani, va ti wombako ku majudha, na i si nga ona, nguko va womba makuhu; ni na maha ti to ve ta ku khizamela minengeni kwako, kasiku ve tiziva ti to na kuranda.

Mithumo 16:39

Sekoko va to ta, va ta kombela divalelo, se ve va humisa hahanze, ve va kombela ti to ve huma didhoropani kwawe.

Isaya 54:17

Otshe matxhari ale ma longiselwako ku ku wukela, kha ma na mbi humelela; ni totshe tidimi tile ti ku wukelako kulamulwani, awe u na ti kona; ayiya i thomba ya sithumi sa Mkoma, ni wululamo wu wutako ngu kwangu, kuwomba Mkoma.

Dhaniyeli 4:35

Se votshe vaaki va ha mafuni hi nga va txilo masoni kwakwe, se madingano ni kuranda kwakwe, ene a thuma ni dibutho da nzumani ni vaaki va ha mafuni. Kha ngaho wu a nga tsivelako dianza dakwe, hambi ku wotisa taku: U maha txani kani?

Eksodha 11:8

Sekoko sotshe sithumi siya sako, si nata si txi ta khizama masoni kwangu, va txi kha vona: Huma, awe ni vathu vako votshe ava va ku lodetako. Ngu msana ka toneto ni na huma ni tsula.” Se Mosi a to khukha masoni ka Faro, na a di henyile ngutu.

Zakariya 12:3

Ka ditshiku donedo, ku na maheka tito, ni teka Jerusalema eva dirigwi do nemela ka otshe matiko; votshe vale va no di rwala, ngu ditshuri, va na phwaraselwa, se otshe matiko a ha mafuni ma na patana me di wukela.

Isaya 49:26

Se vaxanisi vako ni na va dyisa nyama yawe vapune, va na leviswa ngu mnoha wawe vapune, ku nga vhinya, se nyama yotshe yi na tiziva tito, ani ngani Mkoma, Muhanyisi wako, mtiruli wako, Nyamitamo wa Jakobe.

Isaya 41:29

Wona taku votshe kha va vhuni txilo, mithumo yawe hi nga txilo, sithombe sawe so wumbwa i moya, hi txilo.

Isaya 29:8

Se va na fana ni m'thu wa nzala, wo lora a txidya, aniko a txi wuka, epfa m'hefemulo wakwe i ti diphanga; mwendo ku nga m'thu wo pfa ditora, a lorako a txi sela mati, aniko a txi wuka, e maneka a di tsivate, kambe muhefemulo wakwe wu ti ni ditora; ma nava toneto otshe matiko amangi, ale ma no lwa me wukela mmango wa Siyoni.

Isaya 41:24

Wonani taku ma pindwa ngu kuva mi si nga txilo, ni mthumo wanu wa pindwa ngu kuva i si nga txilo; kunyenyeka ngu kona ku mi sawulako.

Isaya 40:17

Otshe matiko hi nga txilo masoni kwakwe; a ma wona i si nga txilo, kufana ni txa kwa mbi va txilo.

Isaya 17:13

Nga toneto, matiko ma na dhuma, nga ti ma dhumisako tona mati amangi, aniko a na ma malata, se ma na tutuma me tsula kule; kambe ma na hangalaswa nga mwasi wa mmangoni, masoni ka moya, ni ku nga dibwinzi, masoni ka txihuhuri.

Isaya 29:5

Se kutala ka valala vako, ku na fana ni lithulu lo hehuka, ni kutala ka sidayi, nga m'vhutunga wu wu pindako; eto ti na maheka ngu mbimo ya txikavikavi.

Isaya 29:7

Se kufana ni mloro ni txiwoniso txa wusiku, i nava kutala ka otshe matiko, ale ma no lwa me wukela Ariyeli, ni votshe vale va no lwa ve muwukela, ve wukela maguma akwe, ve mxanisa.

Isaya 34:12

Vona va na dhana vale va lisima veta mfumoni, aniko ni wammweyo kha na mbi vaho, votshe vathangeli vawe kha va na mbi va va txilo.

Isaya 40:2

Wombawombani ngu wumbilu ka Jerusalema, kambe kwangulani mi m'zivisa ti to wukhumbi wakwe wu gumile, ti to sionho sakwe si divaletwe, ni ti to ka sotshe sionho sakwe a amukete hakhelo kumbidi ngu ka dianza da Mkoma.

Isaya 54:15

Wona taku va nata sengeletana, aniko i si nga ngu ngani; avale va no patana ve kuwukela, va nawa ngu lirando lako.

Jeremiya 2:3

Sekoko Israyeli i ti ti msawuleki wa Mkoma Siyalo so khata sa kufunyela kwakwe; votshe vale va mvandamulako va ni mnandu va na welwa ngu dikhombo, kuwomba Mkoma.”

Eksodha 12:29

Hagari ka wusiku, Mkoma a to peka ngu lifo otshe matiwula mu tinyumbani, ka dotshe ditiko da Egipta, kukhukhela ka mwanana wa Faro, awu a nga ti ni fanelo yo khalahatsha ka txikhalo txakwe txa wukoma, kala ka matiwula a mwanana wa khumbi, yi yi nga ti mkorani, ni matiwula otshe a sihari.

Isaya 49:25

Aniko Mkoma a womba tiya: Ngu ditshuri, tikhumbi ti nga thaviswa ka ndena, se sile si nga handwa ngu wa mtamo si na huluka; nguko ani ni nalwa ni vale valwako ni nawe, Kambe ani ni na hulukisa vanana vako.

Jeremiya 12:17

Aniko ngako va si engisi, ni na dula ditiko diya di txi lova, kuwomba Mkoma.