Isaya 41:1 - Bhiblia Yo Sawuleka

¹ Malalani masoni kwangu anu sitondolo; anu vathu wusetani mitamo, tshuketani, sekoko wombawombani; a hi tshuketeni hotshethu hafuhi ka mlamuli.

Isaya 41:1 Referans Kwoze

Isaya 1:18

Sekoko ngonani, hi ta wombawombisana, kuwomba Mkoma: Hambi ngako sionho sanu si di mi bhilivilisile mi fana ni txiwunguwungu, si na basa kufana ni hunguva; hambi ngako si di bhilivilisile kunzihala, si na nga matoya o basa.

Habhakuki 2:20

Kambe Mkoma amu ka dithepele dakwe do sawuleka; ma na malale masoni kwakwe otshe mafu.

Zakariya 2:13

Yothse nyama yi na malale masoni ka Mkoma, nguko ene a wukile ka wukhalo wakwe wo sawuleka.

Masalmo 46:10

“Emani! Ti ziveni ti to ani ngani Txizimu! Ni na guletwa hagari ka mifumo, ni wa hombe txitimwi ka otshe mafu!”

Isaya 34:1

Tshuketani anu matiko, mi ta engisa; se anu vathu, engisani; mafu ma na tipfe, ni kutala ka ona; mafu ni sotshe si si humako ka ona.

Isaya 11:11

Nguko ti na maheka tito, ka ditshiku donedo, a na nawuluta kambe dianza dakwe e teka miboti ya vathu vakwe vale va nga sala Asiriya, ni Egipta, ni Patro, ni Etiyopiya, ni Elame, ni Sinari, ni Hamati, ni sitondoloni ka linene.

Jobe 38:3

Konkuwa, tsanisa txiwunu txako, u ku wamwamna; ni na ku wotisa, se awe u na ni xamula.

Isaya 50:8

Muemeli wangu a hafuhi; i mani a no ni wukela kani? A hi ti wonekelise ngu mbimo yimweyo; I mani i ku mlala wangu kani? A na tshukete hafuhi kwangu.

Isaya 49:1

Ni engiseni anu sitondolo, pfisisani anu vathu va kule! Mkoma a ni dhani, kukhukhela mndani ka mame wangu, kukhukhela msembeni ka mame wangu, a ni rayile ditina.

Isaya 48:16

Tshuketani kwangu mi ta engisa tiya: Kukhukhela kukhatani kha na womba-womba txihujani; kukhukhela mbimo yile timhaka tile ti nga maheka ani ni ti tiho; se konkuwa, Mkoma Txizimu a ni rumete Moya wakwe.

Isaya 40:31

Aniko avale va emako ka Mkoma, va na wuseta mitamo yawe, se va na kwelela ngu tibhapi kufana ni magama; va na tutuma va si karali, va na tsimbila va si rereki.

Isaya 41:5

Sitondolo si ti woni, si thava; mafu otshe ma to zinginika, si to tshuketa, si txi ta.

Isaya 43:9

Matiko otshe ma na sengeletane, ni vathu va na tshangane; i mani hagari kwawe a nga sikotako kuzivisa tiya, e hi maha hi engisa timhaka ta kale kani? Kombisani tifakazi tanu, kasi ku mi ti basisa, ni ti to ti pfiwa, ni ti to ku txi wombwa taku: Ditshuri!

Isaya 43:26

Xota ku ni alakanya, hi na wulela hotshe kulamulwani; txhatxha mhaka yako, kasi ku u na maneka di lulamile.