Isaya 40:9 - Bhiblia Yo Sawuleka

⁹ Awe u m'zivisi wa mahungu amanene ka Siyoni, kwela ka mmango wo guleka. Awe u m'zivisi wa mahungu amanene ka Jerusalema, guleta dipswi ngu mtamo; di gulete, u nga thave, womba ka madhoropa a ka Judha, u txi khawe: Wonani, nditxe hawa Txizimu txanu.

Isaya 40:9 Referans Kwoze

Isaya 12:2

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

Isaya 25:9

Se ka ditshiku donedo, va na kha vona: Wonani Txizimu txathu, hi nga ti txi verela, txi na hi hulukisa; awuwa ngene Mkoma, wule hi nga txi m'verela; hi na m'guleta ni kutsaka, kuhanyisani kwakwe.

Vaefesu 6:19

Nanani ni kombeleleni, kasiku Txizimu txi txi ni tula khana, mbimo yi ni lavako kugondisa, ti to ni sikota kuwombawomba, ni si thavi txilo, ni txi zivisa vathu txikungo txa Evhangeli;

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

1 Pedro 3:14

Kambe ngako mi txi xaniswa ngu mhaka ya kululama, mi katekile. Mi nga thaveni kudhukisela kwawe, kambe mi nga karatekeni.

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

Varoma 10:18

Se na wotisa: Ina kha va tiengisa kani? Kha ditshuri va ti engisile, nguko ti bhatwe taku: “Kutxhumayela kwawe ku pfate ka dotshe ditiko, ni mapswi awe ma hokile magemeta-mitshi ka mafu.”

Mithumo 4:29

Se konkuwa, Mkoma, wona kudhukisa kwawe, u txi ninga sithumi sako kuwomba dipswi dako, na va si thavi txilo.

Mithumo 4:13

Sekoko ku ti ngako va txi wona kutsana ka Pedro ni Johani, kuve va ti va ziva ti to mbathu va va nga mbi gonda ni ti to vo va i di vathu dwe, va to tala ngu kuxamala; kambe va ti va ziva ti to mbalondeteli va Jesu.

Mithumo 2:14

Kambe Pedro a to ema ni va va Digumi ni mmweyo, e guleta dipswi, e va gela, a txi khene: “Vavamna va Judheya, ni nanu motshenu vaaki va Jerusalema, ti ziveni ta tinene timhaka tiya, mi engisa kha kwati mapswi angu:

Luka 24:47

ni tiya kambe taku ku na txhumayelwa, ngu ditina dakwe, mhaka ya kutilaya ni kudivalelwa ka sionho ka otshe matiko, kukhukhela Jerusalema.

Jeremiya 22:20

Kwelela Libhanoni, u kwangula, guleta dipswi dako na u di Bhasani! Kwangula u di txitimwi ka mimango ya Abharime, nguko votshe va vo randeka kwako va lovisilwe.

Isaya 58:4

Wonani taku mi ti tona sakudya, mi lwisana ni kukanetisana, mi pekana ngu sibhakela hahanze ka mnandu; mi nga ti toniseni ku nga ti ta nyamsi, ngu kulava kupfalisa dipswi danu txitimwi.

Isaya 51:12

Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?

Isaya 51:7

Ni engiseni anu mi zivako wululamo, anu vathunu mlayo wangu wu ku timbiluni kwanu; mi nga thaveni kutseketselwa ngu vathu, hambi kukarateka ngu siruko sawe.

Isaya 41:27

Ani ngani ni no khata ni txi khani ka Siyoni: Wona taku vaho hale! Ni ka Jerusalema ni na ninga m'zivisi wa mahungu amanene.

2 Makronika 13:4

Abhiya a to ema txitimwi ka mmango wa Zemarime, wu ku mimangoni ka Efrayime, a txi khene: Ni engiseni awe Jerobhowamu ni nanu motshenu va ka Israyeli!

Valamuli 9:7

Va to yisa mhaka ka Jothamu, se ene a to kwela txitimwi ka mmango wa Gerizimi, aha a nga va gela ngu dipswi da hombe, a txi khene: “Vathu va lisima va Sikemi, ni engiseni, kasi ku Txizimu txi txi mi engisa!

Isaya 1:1

Txiwoniso txa Isaya, txile a nga txi wona mwana Amosi, awule a nga wu wona madingano ni Judha ni Jerusalema, ka masiku a Uziya, Jothamu, Akazi, ni Ezekhiya, vafumeli va ka Judha.

Isaya 35:2

Li na rumbuka ngutu ni kundakandaka ngu litsako, kambe li na peka mikulungwani; li na ningwa wudhumo wa Libhanoni, kufana ni kunona ka Karmeli, ni ka Xaromi; vona va na wona wudhumo wa Mkoma, ni kuphatima ka Txizimu txathu.

Isaya 44:26

ngani ni tsanisako dipswi da txithumi txakwe, kambe na tatisa makungo a sirumwa sakwe, ni wombako ka Jerusalema, ni txi khani: Ku na akwa kwako, se ka madhoropa a ka Judha ni khani: Mi na aketwa, ni ti to ani ni na wusa marumbi anu;

Jeremiya 29:11

Nguko na tiziva ti ni xuvako tona ngu nganu, kuwomba Mkoma: Maalakanyo a kuthutha, na i si nga a dikhombo, ti taku ni verela masiku matako.

Nahume 1:15

Wonani mikondo txitimwi ka mimango ya wu a tisako mahungu a maphya, ya wu a huwelelako kudikha! Maha mibuso yako, awe Judha, hetisa sixambanyo sako, nguko m'bihi kha na mbi ngadi kambe a txi pinda ngu kwako; ene a na loviswa do gwita.

Isaya 52:6

Ngu kumaha keto, vathu vangu va na ziva ditina dangu, ngu mhaka yiya ka ditshiku dile, nguko ani nipune ngani ni wombako: “Ngani wuwa!”