Isaya 40:7 - Bhiblia Yo Sawuleka

⁷ Mwasi wa oma, se siluva sa mora, ngako moya wa kuhefemula ka Mkoma wu di pindile txitimwi ka sona. Ngu ditshuri, vathu i mwasi.

Isaya 40:7 Referans Kwoze

Jobe 41:21

Kuhefemula ka yona ku nga turisa makala; se ngu mkanani ka yona kuhuma dituro.

Jakobe 1:10

Kambe nene nyatithombe a na tsake ngako a txi vekwa hahatshi; nguko ene a na pinda kufana ni txiluva txa mwasi.

Jakobe 1:11

Nguko, neti ditambo di txi huma ni kuhisa ka dona, di omisa mwasi, se siluva sa wona si txi mora, kutshura ka wona ka mwalala; ngu tona ti a gwitisako tona nyatithombe ni mabhindu akwe.

Jobe 4:9

Va loviswa ngu kuhefemula ka Txizimu; kambe va hetwa ngu kufuteta ka kuhenya ka txona.

Jobe 14:2

A mila ku nga txiluva, se msana keto e oma; kambe wa tutuma kufana ni mtsudi, se e mwalala.

Masalmo 90:5

Awe wa hiyela vathu hagari ka wukohe; ni mixo va fana ni mwasi wu nga gangwa,

Masalmo 90:6

va fana ni mwasi wu thungako, wu gangwa ni mixo se ni minova wa wuna, wu txi oma.

Masalmo 102:4

Mbilu yangu yi wunile nga mwasi wo gangwa, ni txi divala ni kudya sakudya!

Masalmo 103:16

aniko, mbimo yi diphuho di txi futetako, txa mora, ku si zivaneki kambe ahawa txi nga ti kona.

Isaya 11:4

kambe a na lamula sisiwana ngu kululama, ni timhaka ta vale vo thutha ha mafuni, a na wila ngu kululama, a na peka mafu ngu donga ya txisofu txakwe, e fuvisa vabihi ngu kufuteta ka txisofu txakwe.

Isaya 37:27

Ngu mhaka yeto, vazumbi va kona, ngu manza o karala, va dhukisilwe ni kuwiswa tingana; va ti ti fana ni mwasi wa txitingani, ni mwasi wo nakana, ni mwasi wo tshulela tinyumba, ni fulaho yo hiswa yi sanzi kukula.

Isaya 40:24

Se kha va phawi, hambi kuxwaywa, hambi kuzima mikoloti mafuni, ya txitsha txi txi nga sala; wa futeta txitimwi kwawe, se va txi oma; se moya wu na va purumisa kufana ni mthungu.

Isaya 51:12

Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?

Hagayi 1:9

Mi rinzete sasingi, aniko mi mani sa sidotho, ni soneso sa sidotho, mbimo yi mi nga si wuyisa m'tini, ani ni si futetile. Ngu kutxani kani? Kuwombile Mkoma wa Mabutho a Tiyimbi. Ngu mhaka ya nyumba yangu i ku ditshatsha, se mmweyo ni mmweyo wanu a tutumela nyumbani kakwe.

Masalmo 103:15

Kuhanya ka m'thu kufana ni mwasi; makhato a kona ma fana ni kumila ka txiluva txa thembweni,