Isaya 40:6 - Bhiblia Yo Sawuleka

⁶ Dipswi di kha dona: “Kwangula.” Se wokari a nje khene: Na kwangula ni txi khani txani kani? Yotshe nyama yi fana ni mwasi, ni kotshe kutshura ka yona kufana ni siluva sa txitinga.

Isaya 40:6 Referans Kwoze

Masalmo 102:11

Masiku a kuhanya kwangu, ma fana ni mtsudi wu tutumako, se ani ni fana ni mwasi wu wunako.

Jobe 14:2

A mila ku nga txiluva, se msana keto e oma; kambe wa tutuma kufana ni mtsudi, se e mwalala.

Isaya 58:1

Huwelela ngu dipswi do guleka, u nga malale, guleta dipswi kufana ni mpundu; kambe zivisa vathu vangu wuhambunyeti wawe, ni va nyumba ya ka Jakobe sionho sawe.

Masalmo 92:7

Vathu vo biha hambi va txi anda kufana ni mwasi vabihi hambi va txi engeteleka, Mkoma a na va fuvisa kala kupinduka.

Jeremiya 31:6

Nguko ku na hoka ditshiku dile vawoneleli va mimangoni ka Efrayime va no dhana ngu dona, va txi kha vona: Khukhani, ahiyeni Siyoni ka Mkoma, Txizimu txathu.

Jeremiya 2:2

Tsula, kwangula tinzeveni ka Jerusalema, u txi khawe: Mkoma a khene: “Na alakanya wunene wa wuphya wako, Ni lirando lako mbimo yi u nga wutwa ngu yona; mbimo yile u nga ti ni londetela txiwulani, Ka ditiko di ku nga sa phaywa txilo

Isaya 40:3

“Dipswi da wu a kwangulako txiwulani di kha dona: Longiselani nzila ya Mkoma; lulamiselani amu ka ligwangwa magondo a Txizimu txathu.”

Isaya 37:27

Ngu mhaka yeto, vazumbi va kona, ngu manza o karala, va dhukisilwe ni kuwiswa tingana; va ti ti fana ni mwasi wa txitingani, ni mwasi wo nakana, ni mwasi wo tshulela tinyumba, ni fulaho yo hiswa yi sanzi kukula.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Hoseya 5:8

Vetani dikhombela kona Gibheya, ni mpundu kona Rama; kwangulani ngutu kona Bheti-Avheni; Ti wonele msana kwako awe Bhenjamini.

Isaya 51:12

Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?

Zakariya 1:14

Se ngelozi yile yi nga ti ti womba-womba ni nani, yi to ni gela tiya: Kwangula u txi khawe: Mkoma wa Mabutho a Tiyimbi a womba tiya: Ngu kuhiseka ka hombe, na hiseka ngu Jerusalema ni Siyoni.