Isaya 40:4 - Bhiblia Yo Sawuleka

⁴ Yotshe mikova yi na guletwe, yotshe mimango ni sotshe simangwana si na khundumuselwa; makhalo o gomboyeka ma na lulamiswa, ni makhalo a mikova ma na tatiselwa.

Isaya 40:4 Referans Kwoze

Luka 3:5

Yotshe mikova yi na tatiselwa, ani yotshe mimango ni situnga si na khundumuselwa; se tinzila ta majikwa ti na lulametwa, ani tinzila ta sikhele ti na lulama;

Ezekhiyele 21:26

Mkoma Txizimu a khene: Thavisa txigoko, u gula m'bhoti; kha wu na mbi va wona kambe m'bhoti wuwa; guleta si si ku hahatshi, u wisa sile sa kutikulisa.

Luka 18:14

“Na mi gela ku khani awuwa ngene a nga tshumela e tsula m'tini kwakwe, a di basisilwe, ani wule mmwani mahala, nguko awuwa a ti guletako, a na vekwa hahatshi, ani wu a ti vekako hahatshi, a na guletwa.”

Isaya 45:2

Ani ni na thangela masoni kwako, ni lulamisa tinzila to gombonyeka; ni na funya matimba a suku, kambe ni phatulela sikhoto sa tisimbi.

Ezekhiyele 17:24

Ngu kumaha keto, yotshe mindonga ya txitinga yi na tiziva taku ani Mkoma, ni date mndonga wo lapha, ni guletile mndonga wo koma, ni omisile mndonga wo nakana, ni nakanisa mndonga wa kuoma; Ani Mkoma ni wombile, kambe ni na ti maha eto.

1 Samuwele 2:8

Wa humisa txisiwana amu ka dikhuma, wa guleta txikulungu madhakani, kasi ku e txi khalahatshisa hagari ka vakoma, ni kuvaninga thomba ya txikhalo txa wudhumo; nguko makhato a mafu nga Mkoma, a vekile ditiko txitimwi ka ona.

Isaya 42:11

Guletani mapswi awe txiwula ni nanu madhoropa, ni mikhokhola yi Kedhari a zumbako ka yona; va na gulete avale va zumbako marigwini, va na kwangule ngu txitimwi ka mimango.

Mavingu 2:15

emo ditshuri da kona i ku do xanisa ni mithumo yawe i kuyo timetwa;

Isaya 40:3

“Dipswi da wu a kwangulako txiwulani di kha dona: Longiselani nzila ya Mkoma; lulamiselani amu ka ligwangwa magondo a Txizimu txathu.”

Isaya 40:5

Se wudhumo wa Mkoma wu na wonekiswa, kambe yotshe nyama yi na ti wona tito, txisofu txa Mkoma txi wombile tiya.

Isaya 49:11

Se ni na maha tinzila ka yotshe mimango yangu; ni sinzilana sangu si na kuliswa.

Zakariya 4:7

U mani awe, mmangowe wa hombe kani? Masoni ka Zorobhabheli u na va libala; nguko ene a na tisa dirigwi do khata, se vathu va na kwangula, va txi kha vona: Wumbilu, wumbilu wu nave kwakwe.

Isaya 62:10

Humani, humani ngu sike; longiselani nzila ya vathu; lulametani, lulametani digondo, mi thavisela marigwi ka dona; gwimbani m'jeke ka vathu.