Isaya 40:3 - Bhiblia Yo Sawuleka

³ “Dipswi da wu a kwangulako txiwulani di kha dona: Longiselani nzila ya Mkoma; lulamiselani amu ka ligwangwa magondo a Txizimu txathu.”

Isaya 40:3 Referans Kwoze

Malakiya 3:1

Wonani taku, ni mi rumela ngelozi yangu, ayi yi no ni lulamisela nzila, se msana keto, Mkoma wule anu mi mlavako, a nata ngu kukuluveta dithepeleni kwakwe, Ngelozi ya txitumelelano, ayile anu mi yi verelako; wonani taku yata, kuwomba Mkoma wa Mabutho a Tiyimbi.

Johani 1:23

Ene a xamute a txi khene: “Ani ni dipswi da wule a kwangulako txiwulani, a txi khene: ‘Lulamisani nzila ya Mkoma’, nga tiya a nga wombisa tona mprofeti Isaya.”

Isaya 57:14

Se ku na wombwa taku: Lulamisani, lulamisani, longiselani nzila; thavisani sitsha ka nzila ya vathu vangu.

Isaya 43:19

Wonani taku ni na maha mhaka ya yiphya, se konkuwa ti huma hakubasani; ina kha mi na mbi tiziva kani? Wonani taku ni na dola nzila txiwulani, ni minambo ligwangwani.

Isaya 35:8

Se, ahale ku nava ni nzila ya lisima, nzila yi yi no dhanwa ti to i Nzila yo Sawuleka; m'bihi kha na mbi tsimbila ngu yona, aniko yi na lumba vathu va Txizimu; ava va no tsimbila ngu yona, hambi siphukuphuku kha si na mbi timela.

Isaya 49:11

Se ni na maha tinzila ka yotshe mimango yangu; ni sinzilana sangu si na kuliswa.

Masalmo 68:4

Embelelani ka Txizimu, embelelani tindando mi dhumisa ditina da txona, dhumisani awule a tsimbilako txitimwi ka marefu. Ditina dakwe i Txizimu! Tsakani masoni kwakwe!

Isaya 40:4

Yotshe mikova yi na guletwe, yotshe mimango ni sotshe simangwana si na khundumuselwa; makhalo o gomboyeka ma na lulamiswa, ni makhalo a mikova ma na tatiselwa.