Isaya 40:10 - Bhiblia Yo Sawuleka

¹⁰ Wonani taku Mkoma Txizimu a nata, kufana ni ndena, se diwoko dakwe di na fuma; wonani taku, ata ni txhatxhazelo yakwe, ni hakhelo, masoni kwakwe.

Isaya 40:10 Referans Kwoze

Mtuletelo 22:12

Wonani, ani nata konkuwa, kambe ni nata ni hakhelo: Ni na ta ninga mmwani ni mmwani madingano ni mithumo yakwe.

Isaya 62:11

Wonani taku Mkoma a zivisile kala magwito ka mafu, a txi khene: Gelani mwanana wa muhorana wa Siyoni, mi txi khanu: Wona taku kuhanyiswa kwako kata; wona taku kuta ni hakhelo yako, ni mithumo yakwe yi thangete masoni kwakwe.

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

Isaya 49:4

Aniko ani ni ti khani: Ni thumile walo, ni sakani ngu mtamo wangu, ngu so mbi vhuna txilo; hambi keto, fanelo yangu yi masoni ka Mkoma, ni hakhelo yangu yi masoni ka Txizimu txangu.

Isaya 59:15

Ina, ditshuri da thidhela, se awule a lekako wubihi a ti lavela kuhandwa; se Mkoma a ti woni, ti si mutsakisi, nguko kha ku nga ni wululamo.

1 Johani 3:8

Awule a mahako txionho mbwa Sathani nguko Sathani, njionhi kukhukhela makhatoni. Mwanana wa Txizimu a ti wonekisile, kasi ku ta fuvisa mithumo ya Sathani.

Johani 12:15

“U nga thave, dihorana da Siyoni. Ndiyo wata Mkoma wako, a di gadhile mwanana wa mbongola.”

Masalmo 110:6

Ene a na lamula mifumo sirumbi si na mbambamela ka otshe makhalo; ene a na ganyatela vafumeli va dotshe ditiko!

Vahebheru 2:14

Ngu toneto, ngako vanana i ku mnoha wumwewo, ni nyama yimweyo, nene mbwa mtumbuluko wumwewo navo, kasiku e lovisa ngu lifo lakwe awu a fumako lifo, i ku ene Sathani.

Johani 12:13

va to teka mahanga a mitxhese, ve mu hingeta, na va txi kwangula, va txi kha vona: “Hozana! A na dhumiswe awu a tako ngu ditina da Mkoma, Mfumeli wa Israyeli!”

Isaya 53:12

Ngu kumaha keto, ni na mninga txyavelo txa votala, se a nga abana sile so handwa kumweko ni va va mtamo ngutu; nguko a tshakunutile muhefemulo wakwe kufani, se e balwa kumweko ni sindaka-milayo; aniko ene a ti rwekile sionho sa votala, kambe a kombelete sindaka-milayo.

Masalmo 66:3

Wombani mi txi khanu ka Txizimu: “Mithumo yako ya diwukisa, Txizimu! Mtamo wako mbwa hombe ngutu aha koza valala vako ve nama ve dhudhumela masoni kwako.

Mtuletelo 20:11

Ngu msana ni to wona txikhalo txa hombe txa wukoma txo basa ni wule a khalahatshako ka txona. Nzuma ni mafu si tutuma si mu thava, ku si sali txikombiso txa hawa si nga ti kona.

Malakiya 3:1

Wonani taku, ni mi rumela ngelozi yangu, ayi yi no ni lulamisela nzila, se msana keto, Mkoma wule anu mi mlavako, a nata ngu kukuluveta dithepeleni kwakwe, Ngelozi ya txitumelelano, ayile anu mi yi verelako; wonani taku yata, kuwomba Mkoma wa Mabutho a Tiyimbi.

Isaya 28:2

Wonani taku Mkoma a na rumela wamwamna wa ndena, wa mtamo ngutu, kufana ni kuwa ka maralala, kuxanisa ko khundumusa, ni ku nga txihuhuri txo karata ngutu, txa mati ya ma khulungako, a na va wisa ha mafuni.

Isaya 33:2

Mkoma hi mahele wumbilu! Hi verete; u nave awe mtamo wathu ditshiku ni ditshiku, kambe uva m'hulukisi wathu, ka mbimo ya kuxaniseka.

Isaya 51:5

Kululama kwangu ku hafuhi, ni kuhanyisa kwangu ka humelela, se mawoko angu ma na lamula vathu; sitondolo si na ni verela, kambe si na themba diwoko dangu.

Isaya 59:16

Se a to wona ti to, kha ku nga ni wammweyo, se e tsaka nguko ku si nga ni muemeli; se diwoko dakwe dipune di mtisete kuhuluka, ni kululama kwakwe kupune ku mxayisile.

Isaya 59:18

Madingano ni ti mithumo yawe yi ku ngu tona, va na va tshumetelisa toneto; kuhenya nga valala vawe, ni hakhelo ka vale valwako nayo; ene a na dihela sitondolo ngu fanelo.

Isaya 63:5

Ni wonile ka madhawa otshe, aniko ku si nga ni wa ku ni vhuna; ni to xamala ngu kupwateka ni wammweyo wo ni tsanisa; ngu kumaha keto, diwoko dangu di ni tisete kuhanyisa, ni kuhenya kwangu ku ni tsanisile.

Genesisi 15:1

Msana ka totshe tiya, dipswi da Mkoma di tile ka Abramu, ngu txiwoniso, di txi kha dona: “U nga thave awe Abramu, ani ngani txitxhavangu txako, hakhelo yako yi na va ya hombe ngutu.”

Jeremiya 31:16

Mkoma a khene: U ngaswe u txi dila, maso ako ma nga thekete mirongo; nguko mithumo yako yi na dihelwa, kuwomba Mkoma; va na wuya ngu niya ditikoni ka valala.