Isaya 40:1 - Bhiblia Yo Sawuleka

¹ Thavelelani, thavelelani vathu vangu, kuwomba Txizimu txanu.

Isaya 40:1 Referans Kwoze

2 Vakorinto 1:4

txona txi hi thavelela ka sotshe sixaniso sathu, kasiku hi sikota kuthavelela ava va karatekako, ngu yona thavelelo ayi nathu hi thavelelwako ngu yona ngu Txizimu.

Isaya 51:12

Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?

Isaya 51:3

Nguko Mkoma a na thavelela Siyoni, kambe a na thavelela otshe makhalo ale i ku marumbi, se txiwula txa kona a na txi maha txi fanana ni thembwe ya Edheni, ni txiwunda txa kona txi na fana ni thembwe ya Mkoma; kuzumbiseka ni litsako si na maneka ka m'ti wuwa, ni mithumo ya kubonga, kumweko ni dipswi da m'zeno.

1 Vatesalonika 4:18

Se, zumbani mi txi thavelelana ngu mapswi onayo.

Zakariya 1:13

Mkoma a to xamula ka ngelozi yile yi nga ti ti womba-womba ni nani, ngu mapswi amanene, i ku mapswi o thavelela.

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Isaya 60:1

Wuka, woninga, nguko liwoningo lako lata, ni wudhumo wa Mkoma wa humelela txitimwi kwako.

Isaya 12:1

Se ka ditshiku donedo, u na khawe: Na ku bonga, Mkoma, nguko hambi ku u nga ni henyela, kuhenya kwako ku gumile, se u ni tsakisile.

Isaya 52:9

Kwangulani mi embelela, mi pfalisa kumweko, anu marumbi a Jerusalema! Nguko Mkoma a thavelete vathu vakwe, a tirute Jerusalema.

Isaya 41:27

Ani ngani ni no khata ni txi khani ka Siyoni: Wona taku vaho hale! Ni ka Jerusalema ni na ninga m'zivisi wa mahungu amanene.

Isaya 50:10

I mani hagari kwanu a thavako Mkoma, kambe a engisako dipswi da txithumi txakwe kani? Ngako a txi tsimbila txidemani, ko pwata ni kuwonekela, a na thembe ditina da Mkoma, kambe a na tsane ka Txizimu txakwe.

Isaya 3:10

Gelani va vo lulama ti to va katekile, nguko va na dya mihando ya mithumo yawe.

Masalmo 85:8

Ni na engisa atile Txizimu txi no womba. Kha ditshuri Mkoma a thembisile kudikha ka vathu vakwe, ka vathu va va m'thembako kasiku va si tshumeleli wupumbuni.

Nehemiya 8:10

A to va gela kambe ku khene: Tsulani mi ya tidyela tinyama to nona, mi sela ni so lombela, mi rumela sakudya ka vale va nga mba ti longisela txilo; nguko ditshiku diya di sawulekile ka Mkoma wathu; ngu toneto mi nga ti xanise, nguko kutsaka ka Mkoma mtamo wanu.

Isaya 61:2

ni kupeka nyiwo ya dilembe do kateka da Mkoma, ni ditshiku da kuphota ka Txizimu txathu; kuthavelela votshe vale va dilako;

Ezekhiyele 16:42

Ku kuhenyela kwangu ku na boxa, ni kulusa kwangu ku na kuvayilela, ni na malala, kha ni na mbi ngadi ni henya kambe.

Masalmo 85:3

u emisile kutsukula kwako; u siwukisile dikhulo da kuhenya kwako.

Ekleziyaste 3:4

mbimo ya kudila, ni mbimo ya kuseka; mbimo ya xomulo, ni mbimo ya kusinya;

Zakariya 1:17

Kwangula kambe u txi khawe: A womba tiya Mkoma wa Mabutho a Tiyimbi: Madhoropa angu ma na engeta me anda ni kuhumelela; nguko Mkoma a ngadi a txi na thavelela Siyoni, kambe a ngadi a txi na sawula Jerusalema.