Isaya 4:1 - Bhiblia Yo Sawuleka

¹ Se mtxhanu wa vavasikati ni vambidi, ka dona ditshiku dile, va na ti ñolela wamwamna mmweyo, va txi kha vona: Athu hi nadya sakudya sathu ni kuambala syambalo sathu; ho lava dwe ti to hi dhanwa ngu ditina dako; hi thavise tingana tathu.

Isaya 4:1 Referans Kwoze

Genesisi 30:23

Ene a to mana txirumbu e veleka mwanana wa mfana, a txi khene: “Txizimu txi thavisile tingana tangu.”

Isaya 2:17

Kutikulisa ka m'thu ku na vekwa hahatshi, ni kutikukumukisa ka wamwamna, ku na wiswa hahatshi; Mkoma ngene dwe a no guletwa ka ditshiku donedo.

Isaya 13:12

Ni na maha ti to m'thu eva ni lisima ngutu, kupinda nzalama ya yinene, kupinda nzalama yo hehuka ya Ofiri.

Luka 21:22

nguko masikuyo masiku a kupharela, kasiku totshe ti ti nga bhalwa ti hetiseka.

Luka 1:25

A txi khene: “Ati ngu tiya Mkoma a nga ni mahela tona ka masiku awa ene a nga ni wona kasi ku ni thavisa tingana, hagari ka vathu.”

2 Vatesalonika 3:12

Ka vonavo, ha va ruma ni ku va laya ngu ditina da Mkoma Jesu Kristu, ti to va txi thuma ngu kuthutha, kasiku ve mana kudya sakudya si va nga si thumela.

Isaya 17:7

Ka ditshiku dile, m'thu a na wonetela M'vangi vakwe, maso akwe ma na wonetela Msawuleki wa Israyeli.

Isaya 10:20

Ka ditshiku donedo, ku na maheka taku, miboti ya ka Israyeli, ni vale va nga huluka va nyumba ya ka Jakobe, kha va na mbi ngadi ve themba wule a nga va peka; va na themba Mkoma, Msawuleki wa Israyeli, ngu ditshuri.

1 Samuwele 1:6

Se mkatikulowe a to mtxhepeta, kasiku mpfisa kupanda, ngu kule Mkoma a nga ti m'vhate masembe.

Isaya 2:11

Maso a vathu vo ti kulisa ma na pfhupeliswa, ni kutikulisa ka vavamna ku na vekwa hahatshi, Mkoma ngene dwe a no dhumiswa ka ditshiku donado.

Isaya 3:6

Mbimo yi m'thu a no ñola mwanawe nyumbani ka tate wakwe, a txi khene: Awe u ni syambalo, u na maha mfumeli wathu, dirumbi diya di na xayiswa ngu ngawe.

Isaya 54:4

U nga thave, nguko khu na mbiwa tingana; u nga ti thele tingana, nguko khu na mbi kanganyiswa; u na divala tingana ta wuphya wako, kambe khu na mbiswa u alakanya tingana ta wuphya wako.

Jeremiya 15:8

Tinoni tawe ti engetekelani kupinda mtxhefa wa linene. Ni nehile mlovisi wu a dayako vamame va mazambi ni mitshikari. Ngu txidhukisa ni rumete txitimwi kwawe kuxaniseka ni kuthava.

2 Samuwele 6:23

Se Mikali mwana Sawule, kha veleka, kala ka ditshiku da kufa kwakwe.