Isaya 39:8 - Bhiblia Yo Sawuleka

⁸ Sekoko Ezekhiya, a to khene ka Isaya: Ndinene dipswido da Mkoma, u nga ni gela. E engeta a txi khene: Nguko ku na vaho kudikha ni kuzumbiseka ka masiku angu.

Isaya 39:8 Referans Kwoze

2 Makronika 32:26

Se Ezekhiya a to ti sola e ti veka hahatshi ngu mhaka ya kanu ya kutikulisa ka mbilu yakwe kumweko ni vathu va Jerusalema; se kuhenya ka hombe ka Mkoma ku yata txitimwi kwawe, ka masiku a Ezekhiya.

2 Makronika 34:28

Na ku tshanganisa ni vatate vako, u tshotshwa ngu kuthutha dithithani kwako, maso ako manambi kuwona kotshe kubiha ku ni no kunaheta txitimwi ka wukhalo wuwa ni ka vathu va kona. Se va to tshumela ni xamulo yiya veya gela mfumeli.

1 Pedro 5:6

Ngu konaho, ti vekeni hahatshi ka diwoko da mtamo, da Txizimu, kasi ku txona, txi nata mi guleta ka mbimo yi yi lavekako.

Zakariya 8:19

A womba tiya Mkoma wa Mabutho a Tiyimbi: Kutitona ka mtxima wa wumune, ni kutitona ka mtxima wa wutxhanu, ni kutitona ka wa wutxhanu ni yimbidi, ni kutitona ka mtxima wa wugumi, ku nava kunengela ni kutsaka, ni mibuso ka nyumba ya ka Judha, ngu toneto dhundani ditshuri ni kudikha.

Zakariya 8:16

Ati mi dinganako kumaha tona ngu tiya: Wombawombani ditshuri mmwani ni mmwani ka mkwawe, lamulani ngu ditshuri ni kudikha sikenini kwanu.

Sidilo 3:39

Se m'thu wa kuhanya a vilela txani kani? Mmweyo ni mmweyo a na ti laye ngako a txi pekelwa sionho sakwe.

Sidilo 3:22

Wumbilu wa Mkoma, ngu wona wu mahako ti to hi si fuviswi; nguko wumbilu wakwe kha wu na magwito.

Masalmo 39:9

Ni malate, kha ni na mbi tula txisofu, nguko mthumo wuwa mbwako.

Jobe 1:21

Jobe a to khene: Ni humile ngu mndani ka mwamwangu ni di tximbwiri, se ni na tshumelela kona kambe ni di tximbwiri; Mkoma a ningile, kambe Mkoma a tekile; di na guletwe ditina da Mkoma.

2 Samuwele 15:26

Kambe nga ku Mkoma a txo khene: Kha ni ku tsakeli; ngani wuwa, a na mahe kudhunda kwakwe ngu ngani.

1 Samuwele 3:18

Sekoko Samuwele a to m'gela totshe timhaka tile, asi msiseli txilo. Se Eli a to khene: I Mkoma; a na mahe ti i ku ta tinene masoni kwakwe!

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.