Isaya 39:7 - Bhiblia Yo Sawuleka

⁷ Se ka vanana vako, ava va no velekwa ngu ngawe, va na tekwa veya mahwa mithenwa, nyumbani ka mfumeli wa Bhabhilona.

Isaya 39:7 Referans Kwoze

2 Makronika 36:10

Msana ka kuva ku di pindile dilembe, Nebhukodhonosori a to rumela vathu vo ya mu teka ve mu yisa Bhabhilona, ve teka ni siya sa lisima sa Nyumbani ka Mkoma ve tsula naso. Se a to veka mwanawe Zedhekiya, a txi fuma txitimwi ka va ka Judha ni Jerusalema.

2 Vafumeli 24:12

Sekoko a to huma Jowakimu, mfumeli wa ka Judha, eya ka mfumeli wa Bhabhilona, kumweko ni mwamwakwe ni sithumi sakwe, ni madhota akwe, ni mithenwa yakwe; se mfumeli wa Bhabhilona a to mñola, ka dilembe da wutxhanu ni mararu da kufuma kwakwe.

Jeremiya 39:7

A to thavisela maso a Zedhekiya, a txi msunga ngu titxhini timbidi ta msuku, kasi ku mu tsulisa Bhabhilona.

2 Makronika 36:20

Ava va nga huluka kudawa ngu ditxhari, a to va teka ve yiswa Bhabhilona; se veya mahwa tikhumbi takwe ni ta vanana vakwe, kala ka mbimo ya mfumo wa Persiya,

2 Makronika 33:11

Ngu kumaha keto, Mkoma a to va nehela vathangeli va dibutho da yimbi da mfumeli wa Asiriya, avale va nga ñola Manasi hagari ka mipa, ve msungelela ngu titxhini, ve mu tsulisa Bhabhilona.

2 Vafumeli 24:15

Sekoko, Nabhukodhonozori a to ñola Jowakimu e mtsulisa Bhabhilona, ni mame wa mfumeli, ni vasikati va mfumeli, ni mithenwa yakwe, e teka ni vanyamitamo va ditiko ngu Jerusalema kala Bhabhilona.

2 Vafumeli 24:10

Ka yona yile mbimo si to kwelela sithumi sa Nabhukodhonozori, mfumeli wa Bhabhilona, si tsula Jerusalema, se didhoropa di to randelwa.