Isaya 39:6 - Bhiblia Yo Sawuleka

⁶ Wona, ma nata masiku awa aku, sotshe si nova si diho nyumbani kwako, si nga sengeletelwa ngu vatate vako kala ka ditshiku da nyamsi, si na tekwa si tsuliswa Bhabhilona; kha ku na mbi sala ni txa tximwetxo, kuwombile Mkoma.

Isaya 39:6 Referans Kwoze

2 Vafumeli 24:13

A to thavisa totshe tithomba ta Nyumbani ka Mkoma ni ta nyumbani ka mfumeli; a to fayetela sotshe siya sa nzalama si nga ti ti mahilwe ngu Solomoni mfumeli wa Israyeli, dithepeleni ka Mkoma, madingano ni tile a nga ti wombile Mkoma.

Jeremiya 20:5

Txa wumbidi ni na ningela yotshe thomba ya didhoropa diya, ni mabhindu a kona otshe, ni sotshe siya sa lisima, ina, ni tithomba totshe ta vafumeli va ka Judha, ni na si ningela manzani ka valala vawe, ava va no si teka ngu ku si handa, va txi si yisa Bhabhilona.

Dhaniyeli 1:2

Se Mkoma a to ningela Jehoyakimi, mfumeli wa Judha, manzani ka Nebhukodhonosori, e ningela kambe ni siya sokari sa Nyumbani ka Txizimu. Se Nebhukodhonosori a to si teka e tsula naso ditikoni ka Sinari eya si wuletisa nyumbani ka txizimu txakwe, e si veka kumweko nyumbani ka thomba ya txizimu txakwe.

2 Makronika 36:18

Se siya sotshe sa Nyumbani ka Mkoma, sa hombe ni sa sidotho, ni thomba ya Nyumbani ka Mkoma, ni thomba ya mfumeli ni ya vathangeli vakwe, sotshe a to teka e tsula naso Bhabhilona.

2 Makronika 36:10

Msana ka kuva ku di pindile dilembe, Nebhukodhonosori a to rumela vathu vo ya mu teka ve mu yisa Bhabhilona, ve teka ni siya sa lisima sa Nyumbani ka Mkoma ve tsula naso. Se a to veka mwanawe Zedhekiya, a txi fuma txitimwi ka va ka Judha ni Jerusalema.

Ezekhiyele 23:26

Kambe va na kuambula simaha, va txi kuhonyola si u ti bombisako ngu sona.

Dhaniyeli 1:3

Se mfumeli Nebhukodhonosori a to gela Aspenazi, mthangeli wa mithenwa yakwe, taku e tisa vokari va vanana va ka Israyeli, va lixaka la vafumeli, ni va tinganakana,