Isaya 38:9 - Bhiblia Yo Sawuleka

⁹ Ndando ya Ezekhiya, mfumeli wa ka Judha, ka mbimo yile a nga lwala, se e kalamuka ka wulwati wakwe.

Isaya 38:9 Referans Kwoze

Masalmo 18:1

Ni na kuranda ngu mbilu yangu, Mkoma, Awe u mtamo wangu.

Jobe 5:18

Nguko txa veka tivandwa, kambe txipune txa sungelela silonda; txa dayisa, aniko manza a txona ma kalamukisa.

2 Makronika 29:30

Se mfumeli Ezekhiya ni vathangeli, va to gela Valevhi ti to va fanela kudhumisa Mkoma, ngu mapswi a Dhavhidha, ni a Asafe, m'huti. Se Valevhi va to m'dhumisa ngu kutsaka, ve khizama, ve mkhozela.

Dhewuteronome 32:39

Se konkuwa, wonisisani tito: Ani, ani ngani, kha txi nga ho tximwani txizimu kwangu; ani na daya, kambe na hanyisa. Ani na dayisa, kambe na holisa; kha nga ho a kuhulukako, manzani kwangu.

Isaya 38:8

Wona taku ni na wuyisa mtsudi wa tipimo, wule wu nga pinda ni ditambo ngu mipimo wa diwatxhi da Akazi, wu txi tshumelela msana, ngu digumi da mipimo. Ngu kumaha keto, ditambo di to tshumelela msana ngu digumi da mipimo, ngu digumi mipimo yile di nga ti tsimbite da mazambo ale di nga ti wekete ngu ona.

Isaya 38:10

Ka masiku a kutsaka kwangu, ni naya ha txikeni ka dithitha; se ni tsivetwe malembe angu ale ma nga sala.