Isaya 38:3 - Bhiblia Yo Sawuleka

³ A txi khene: Awe Mkoma, alakanya, na ku kombela, ti to ni tsimbite ditshurini masoni kwako, ngu kuthembeka, kambe ni mahile to lulama masoni kwako. Se a to dila ngutu Ezekhiya.

Isaya 38:3 Referans Kwoze

Vahebheru 6:10

Nguko, Txizimu kha txi nga ni tshofu. Kha txi na kudivala mthumo wanu, ni lirando li mi nga li kombisa ka ditina da txona anu mi nga thumela vasawuleki va txona, avava ni konkuwa, mi va thumelako.

Vahebheru 5:7

Kristu ka masiku awa a nga ti hanya wutomi wa mmidi, a mahile mikombelo, ngu kupeka tihuwa ni kudila mirongo, a txi khozela ka wule a nga ti sikota ku m'hulukisa ka lifo, se a txi tumelelwa ngu mhaka ya kuengisa kwakwe.

Nehemiya 13:14

(Ngu mhaka ya tiya, awe Txizimu txangu, ni alakanye, u nga pfhite mithumo ya lirando yi ni nga yi maha Nyumbani ka Txizimu ni ka vawoneleli va yona.)

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

Johani 1:47

Jesu a to wona Nathaniyele a txi mu tela, se e womba ngu ngene, a txi khene: “Ndiyo Muisrayeli wa ditshuri, awu kwakwe, ku kuwalo kukanganyisa.”

Nehemiya 13:22

Ni to gela Valevhi kuva txi ti sawulekisa, niku ve ta wonelela sike, kasi kusawulekisa ditshiku da Sabbata. (Ka tona eto kambe, awe Txizimu txangu, ni alakanye, u ni divalela ngu wunene wako wawungi.)

Nehemiya 5:19

Awe Txizimu txangu, ni alakanye ka totshe ti ni mahelako vathu vava.

Dhewuteronome 6:18

U na maha ati i ku to lulama, ni ti i ku ta tinene masoni ka Mkoma, kasi ku u na zumbiseka kala kuza u txi wulela ka ditiko da dinene, adi Mkoma a nga thembisa ngu kuxambanya ka vatate vako,

Masalmo 6:8

Khukhani kwangu motshenu mi mahetelako kubiha, nguko Mkoma a engisile dipswi da kudila kwangu.

1 Makronika 29:19

Se ka Solomoni, mwanana wangu, mninge mbilu yo hetiseka, yo vekisisa sileleto sako, ni mithetho yako, ni milayo yako; yo maha totshe, ni kuaka nyumba yiya ya wukoma, yi ni nga yi lulamisela.

Hoseya 12:4

Ku nga mthangeli a lwite ni ngelozi, a txi yi xula; a dite, a txi yi kombela; kambe a to mana Txizimu kona Bheteli, se txona txi womba-womba ni nathu koneyo;

Masalmo 119:80

Mbilu yangu yi nave ya kuhetiseka ngu kuvekisa milayo yako, kasiku ni si wi tinganani.

Masalmo 102:9

Kha ni nga ni sakudya, sakudya sangu ngu dikhuma; sa kusela sangu si patana ni mirongo yangu,

Masalmo 32:2

A katekile m'thu wule mbiluni kwakwe ku singako ni wubihi awule, Mkoma asi maniko kugombonyeka mbiluni kwakwe.

Masalmo 101:2

Ni lava kutsimbila ngu nzila yo lulama. U na ni hingeta ditshiku muni? Nyumbani kwangu ni na hanya ngu mbilu ya kuthutha;

Masalmo 26:3

Lirando lako ni nalo masoni kwangu yotshe mbimo, ni hanya ngu kuthembeka masoni kwako.

Masalmo 16:8

Yotshe mbimo ni na ni Mkoma masoni kwangu; kha ni na mbi dhukiswa ngu txilo, nguko ene a ka didhawa dangu da txinene.

Nehemiya 13:31

ni lulamisa ni mningelo wa tikhuni, ngu timbimo ta kona, ni matiwula. Ni alakanye, awe Txizimu txangu, ka ta tinene.

Nehemiya 1:4

Se ku to maheka taku, mbimo yile ni nga pfa mapswi eyo, ni to khalahatsha ni dila, ni karateka mndani ka masiku okari; ni to titona sakudya, ni kombela masoni ka Txizimu txa nzumani.

Ezra 10:1

Se mbimo yile Ezra a nga khongela, e ti sola, e dila, e ti namisa masoni ka Nyumba ya Mkoma, vathu va msengeletano wa hombe wa va ka Israyeli, vavamna ni vavasikati, ni vanana, va to ta patana nayo, na va txi dila, ngu huwa ya hombe.

2 Makronika 25:2

Amaziya a mahile to lulama masoni ka Mkoma, hambiko a nga mbi maha ngu mbilu yakwe yotshe.

2 Makronika 16:9

Nguko maso a Mkoma mawona kotshe ha mafuni kutsanisa ava i ku vakwe ngu timbilu tawe totshe. U mahile wuphukuphuku ka mhaka yiya nguko kukhukhela konkuwa u na va ni tiyimbi.

1 Makronika 29:9

Se vathu va to tsaka ngu kule va nga ninga ngu kuranda kwawe, nguko va ningete ka Mkoma ngu mbilu to hetiseka; nene mfumeli Dhavhidha, a to tsaka ngu kutsaka ka hombe.

1 Vafumeli 2:4

Kasiku, Mkoma a na tsanisa dipswi di a ngadi womba kwangu, a txi khene: “Ngako vanana vako va txi xayisa nzila yawe, ve tsimbila ngu kuthembeka masoni kwangu, ngu mbilu yawe yotshe ni muhefemulo wawe wotshe, kha ni khali kuwomba to ku na pwateka wo tsiveta ka Israyeli.”

Genesisi 17:1

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, Mkoma a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

Genesisi 6:9

Ayiya i xawutelo ya liveleko la Nowa. Nowa i ti m'thu wamnene, i ti wa ditshuri hagari ka vathu va mbimo yakwe, kambe a ti ti tsimbila kumweko ni Txizimu yotshe mbimo.

1 Vafumeli 15:14

Hambiko, makhalo o guleka ma nga mbi thaviswa: Aniko mbilu ya Asa i ti ya yinene ka Mkoma masiku otshe.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

Masalmo 6:6

Ni karate ngu kudila. Wusiku ni wusiku ni nakanisa m'bhedhu wangu ngu mirongo ni tata ngu mirongo, txikhigelo txangu.

Isaya 38:2

Sekoko Ezekhiya a to jikisa khohe e wonetela disetani, e kombela ka Mkoma.

Isaya 38:4

Sekoko di tota dipswi da Mkoma ka Isaya, di txi ta kha dona:

2 Vafumeli 18:3

A to maha to lulama masoni ka Mkoma, nga tile a nga mahisa tona tate wakwe Dhavhidha.