Isaya 38:16 - Bhiblia Yo Sawuleka

¹⁶ Mkoma, vathu va hanya ngu sona siya, se ka sotshe siya wutomi wa kuhanya kwangu wu konemo; ngu toneto, ni kalamukilse u ni hanyisa.

Isaya 38:16 Referans Kwoze

1 Vakorinto 11:32

aniko, hi txi lamulwa ngu Mkoma, ha tsayiswa kufela ku hi si abaniswi kumweko ni ditiko.

Matewu 4:4

Aniko Jesu a mu xamute a txi khene: “Ti bhatwe tito: ‘M'thu kha na kuhanya ngu dipawu dwe, aniko ngu otshe mapswi awa ma wombwako ngu Txizimu.’ ”

Masalmo 119:25

Ni gumile mtamo, ni txi wa hahatshi; wusa kambe mtamo wangu, madingano ni txithembiso txako.

Isaya 64:5

Wa hingeta vale va tsakelako kumaha kululama, avale va ku alakanyako amu ka tinzila tako, wona taku, u hi henyete, nguko hi onhile;

Masalmo 71:20

Awe u nga ni maha ni wona wubihi wawungi ni sixaniso, u na ni ninga kambe wutomi u na ni humisa diphalani ko hokoma ka mafu.

Dhewuteronome 8:3

Se ene a mahile ti to u txi xaniseka, a ku lekile u di ni nzala, e kudyisa manna ale awe u nga ti si ma zivi, hambi vatate vako va ti si ma zive, kasi ku kukomba ti to m'thu kha hanyi ngu sakudya dwe, aniko m'thu a na hanya ngu totshe ti ti humako txisofuni ka Mkoma.

2 Vakorinto 4:17

Kuxaniseka kuwa kwathu ko hehuka, i ku ka mbimwanyana ya yidotho, ku hi longisela thomba ya hombe ya wudhumo wu wu si gumiko, ayi yi pindako kotshe kualakanya ka m'thu.

Vahebheru 12:9

Hahanze ka toneto, hi ni vatate vathu va mmidi, avava va nga hi gondisa, vona ha va xonipha. Ina kha hi faneli kuthava ngutu Tate wa mimoya, kasi ku hi na hanya kani?

Masalmo 39:13

U nga ni ronokele kasiku ni mana kupepa, di sinzi kuhoka ditshiku da kufa, ni txi rura ha mafuni.

Masalmo 119:71

Ndinene ni nga mana kutsayiswa, kasi ku ni gonda silayelo sako.

Masalmo 119:75

Mkoma, ani na tiziva ti to mithetho yako nja yinene khu hoxisi, ngako u txi ni tsayisa.

Masalmo 30:3

Mkoma, awe u ni hulukisile ka lifo; u ni hanyisile, ani se ni nga ti relete diphalani.