Isaya 38:12 - Bhiblia Yo Sawuleka

¹² Mbimo ya kuhanya kwangu yi tsute, se yi thavisilwe kwangu, kufana ni m'dhuti wa m'dyisi; ni wite kufana ni mluki wutomi wangu; ku nga no wilwa ka txo lukwa; kukhukhela ni mixo kala minova, u na ni heta.

Isaya 38:12 Referans Kwoze

Vahebheru 1:12

Sotshe u na si peta kufana ni didhamba, si na kutxuka kufana ni syambalo, kambe awe u ku eneyo wammweyo, wutomi wako kha wu na mbi guma.”

2 Vakorinto 5:1

Athu hotshethu, ha tiziva ti to mbimo yi wu no hasulwa mdhute wuwa hi hanyako ka wona ahawa ha mafuni, hi ni nyumba nzumani, yo akwa ngu manza a Txizimu, nyumba yo tsana ko mbi na magwito, ayi yi nga mbi mahwa ngu manza a m'thu.

Masalmo 73:14

Ditshiku ni ditshiku ni wo xaniseka; mixo ni mixo ni wo tsayiswa.

Jakobe 4:14

Anu, ni ka kudotho kha mi tizivi ti ti no maheka mangwana! Wutomi wanu nji txani, kani? Nguko anu mi hunguva yi yi humelelako mbimwanyana, yi txi hangalaka.

2 Vakorinto 5:4

Nguko hi di ngadi mdhuteni muwa, i ku mmidi wathu, ha vilela ngu kunemelwa, na i si nga ti to ho lava kuhuma ka mmidi wathu wa ha mafuni: Aniko hi lava ti to hi txi ambekwa mmidi wathu wa nzumani, kasiku asi si fako si na mitwa ngu kuhanya:

Isaya 13:20

Kha ku na mbi ngadi ku txi akwa kambe, hambi kuwusetwa ngu liveleko ni liveleko; hambi Muharabhi kha na mbi gwimba ditenda dakwe kona, hambi vadyisi kha va na mbi dyisa sifuyo sawe kona.

Isaya 1:8

Se mwanana wa muhorana wa Siyoni a fana ni m'dhuti wa thembweni ka mivhinya; kufana ni m'dhuti wa thembweni ka maranga; kufana ni didhoropa do randelwa ngu valala.

Masalmo 119:23

Vathu va mtamo va tshangana, va txi ni mahela txikungo, aniko ani, txithumi txiya txako, ni na alakanya milayo yako.

Masalmo 102:11

Masiku a kuhanya kwangu, ma fana ni mtsudi wu tutumako, se ani ni fana ni mwasi wu wunako.

Masalmo 31:22

Mu kukanakanani kwangu ni pimisile ti to u ni hambukisile masoni kwako; aniko, mbimo yi ni nga kudhana, u engisile huwa ya mikombelo yangu.

Jobe 17:1

Moya wangu wa guma, masiku angu ma pfhiteka, se nova ni dithitha masoni kwangu.

Jobe 14:2

A mila ku nga txiluva, se msana keto e oma; kambe wa tutuma kufana ni mtsudi, se e mwalala.

Jobe 6:9

Ni kuva Txizimu txi ti ti lavile ku ni peka, txi nawuluta dianza da txona txi ni hetisa!

Jobe 4:20

Va phatulelwa kukhukhela mixo kala minova; se ve loviswa ngu ha ku si gwitiko, ku si nga ni mhaka ngu tona.

Masalmo 90:5

Awe wa hiyela vathu hagari ka wukohe; ni mixo va fana ni mwasi wu nga gangwa,