Isaya 37:4 - Bhiblia Yo Sawuleka

⁴ Ina Mkoma, Txizimu txako, a ngava a di ma pfite mapswi a Rabhisake, wule a nga rumwa ngu nyamne wakwe, i ku mfumeli wa Asiriya, ku ta sola Txizimu txa kuhanya, ni ku ta txhipisa ngu mapswi awa Mkoma, Txizimu txako, a nga ma engisa; khongelela sotshe sile si nga sala.”

Isaya 37:4 Referans Kwoze

Isaya 36:20

Ngu sihi hagari ka sotshe sizimu sa matiko, si nga nga txhatxhisa ditiko da sona manzani kwangu, ka ku naza Mkoma e txhatxhisa Jerusalema, manzani kwangu kani?

Isaya 1:9

I ti ku Mkoma wa Mabutho a Tiyimbi a sa hi siyela miboti, hi ndi na nga Sodhoma, di fana ni Gomora.

Isaya 10:22

Nguko hambi ku vathu vako, awe Israyeli, va fanako ni mtxhefa wa lineneni, miboti yokha ngu yona yi no hulukiswa; kulovisa kutsanisilwe, ka thekelela ngu kululama.

Masalmo 106:23

Txizimu txi pimisile ku va lovisa. Aniko, Mosi, msawuleki wa Txizimu, a va kombelete, kasiku Txizimu txi kuthutha, txi si va lovisi.

Jakobe 5:16

Zivisanani sionho sanu, mi txi kombelelana, kufela ku mi txi hanyiswa. Mkombelo wa lisima wa mlulami wu ni mtamo ngutu.

Varoma 9:27

Isaya nene wa huwelela ta Israyeli, a txi khene: “Hambiko mtengo wa vanana va ka Israyeli wu fanako ni mtxhefa wa lineneni, miboti yokha ngu yona yi no poniswa;

Amosi 5:15

Vengani wubihi, mi randa wunene, vekani wululamo ha banza kutilava Mkoma, Txizimu txa Mabutho a Tiyimbi, txi na pfela wusiwana masalelwa ya Josefa.

Joyeli 2:17

Va na dile vaphaxeli, va thumelako Mkoma, hagari ka m'hubhe ni txiluvelo, va ne kha vona: Tsetsa vathu vako, awe Mkoma, kambe u nga ningele thomba yako tinganani, kasi ku matiko ma txi yi xakela: Nguko kutxani va no kha vona ka vathu: Txi hayi Txizimu txawe, kani?

Isaya 36:18

A nga mi kanganyiseni Ezekhiya, a txi khene: Mkoma a na hi txhatxhisa. Ina mi khala ku nga wona sizimu sa matiko si txhatxhisa matiko a sona manzani ka mfumeli wa Asiriya kani?

Isaya 36:13

Rabhisake koko a to khukha a txi ema, e kwangula ngu dipswi do guleka ngu Txijudha, a txi khene: Hi nga pfani timhaka ta mfumeli wa hombe, ta mfumeli wa Asiriya!

Masalmo 50:21

U mahetete totshe tiya, aniko ani ni malate; u pimisile ti to ani ni fana ni nawe. Aniko ni na kudhana ni ta kulamula, ni txi kuthethisa ngu mithumo yako yi u nga yi maha.

2 Makronika 28:19

Nguko Mkoma a vekile hahatshi va Judha ngu mhaka ya Akazi, mfumeli wa Israyeli, nguko Akazi a jikisile va ka Judha ve leka kulondetela nzila ya Mkoma.

2 Vafumeli 19:4

Ti nga nda maheka ti to Mkoma Txizimu txako, a txi engisa otshe mapswi a Rabhisake, awule a nga rumwa ngu nyamne wako, i ku mfumeli wa Asiriya, ku ta duka Txizimu txa kuhanya; khongelela sotshe sile u si alakanyako.”

2 Vafumeli 17:18

Ngu mhaka yeto, Mkoma a to henyela Israyeli, e mthavisa masoni kwakwe; kha ka sala ni wammweyo, hahanze ka lihunzu la ka Judha.

2 Samuwele 16:12

Mkoma a na wona kuxaniseka kwangu, se e ni ninga kuthutha ngu mhaka ya kuruketela kwakwe ka nyamsi.

1 Samuwele 17:36

Se txithumi txako txi ti dayiseto ngonyamo mwendo ursu; ni na mahisa toneto ka Mufilista wuwa wa kwa mbi yiswa wukwerani kufana ni tximwetxo txa sihari, ngu kule a nga ruketela mabutho a tiyimbi a Txizimu txi txi hanyako.

1 Samuwele 17:26

Sekoko Dhavhidha a to womba ka vavamna vale a nga ti ti navo, a txi khene: Mi na mmahela txani wamwamna wule a no daya Mufilista wuwa, e thavisa txiruko txitimwi ka Israyeli kani? Kasi i mani Mufilista wuwa, wa kwa mba yiswa wukwerani, wo a nga ruketela mabutho a yimbi a Txizimu txo hanya kani?

1 Samuwele 14:6

Jonatani koko, a to khene ka mfana wule a nga ti mrwalela matxhari: Ngono, hi tsimbile ka vawoneleli va va makhuna; kutilava Mkoma a na hi lwela, nguko ka Mkoma kha txi ngaho txi a tandekako ku txi hulukisa, hambi i di vavangi mwendo vavadotho.

1 Samuwele 12:23

Se ti nave kule ni nani kuonhela Mkoma, ngu kuleka ku mi kombelela; kambe ni na mi gondisa nzila ya yi nene ni yo lulama.

1 Samuwele 12:19

Se vathu votshe va to kha vona ka Samuwele: Kombelela sithumi sako ka Mkoma Txizimu txako, kasiku hi si fi; nguko ka sotshe sionho sathu hi engetete wubihi wuwa, wa ku ti kombelela mfumeli.

1 Samuwele 7:8

Ngu kumaha keto, vanana va ka Israyeli va to kha vona ka Samuwele: U nga karale ku hi pekela huwa ka Mkoma Txizimu txathu, kasiku a txi hi hulukisa manzani ka Vafilista.

Joxuwa 14:12

Se konkuwa, ni ninge mmango wuwa Mkoma a nga wu womba ka donedo ditshiku. U engisile ka donedo ditshiku ti to va ka Anaki va vaho mule, ni madhoropa a hombe, a mtamo maho mule: Kutilava Mkoma a na va ni nani, ani ni na va tutumisa, nga ti Mkoma a nga womba.

Isaya 10:20

Ka ditshiku donedo, ku na maheka taku, miboti ya ka Israyeli, ni vale va nga huluka va nyumba ya ka Jakobe, kha va na mbi ngadi ve themba wule a nga va peka; va na themba Mkoma, Msawuleki wa Israyeli, ngu ditshuri.

Isaya 11:11

Nguko ti na maheka tito, ka ditshiku donedo, a na nawuluta kambe dianza dakwe e teka miboti ya vathu vakwe vale va nga sala Asiriya, ni Egipta, ni Patro, ni Etiyopiya, ni Elame, ni Sinari, ni Hamati, ni sitondoloni ka linene.

Isaya 37:5

Se sithumi sa mfumeli Ezekhiya, si to ta ka Isaya.

Isaya 37:17

Namisa nzeve yako awe Mkoma, u engisa; tula maso Mkoma u wona; kambe pfana otshe mapswi a Senakeribhe, ale a nga ma rumela ku ta sola Txizimu txa kuhanya.

Isaya 37:31

Nguko avale va nga huluka va nyumba ya ka Judha, vale va nga sala, va na tshumela ve zima mikoloti hahatshi, kambe va na wonekisa mihando txitimwi.

Isaya 37:32

Nguko ngu Jerusalema, ku na huma vale va nga sala, se ngu mmangoni ka Siyoni, avale va nga huluka; kukhutala ka Mkoma wa Mabutho a Tiyimbi, ku na maha eto.

Isaya 46:3

Ni engiseni anu va nyumba ya Jakobe, ni motshenu mi nga sala va nyumba ya ka Israyeli; anu ni nga mi khutarela ngu mawoko kukhukhela mndani, ni mi beleka kukhukhela mndani ka mame.

Jeremiya 26:19

Ina Ezekhiya, mfumeli wa ka Judha, ni dotshe ditiko da ka Judha, va mu date kani? Ina kha thava Mkoma, a txi kombela dikato, kuva Mkoma a txi hunduluka ka dikhombo di a nga womba ngu dona kwawe kani? Se athu, kha hi njo mahela wubihi mihefemulo yathu kani?

Jeremiya 42:2

va to ya ka mprofeti Jeremiya, va txi kha vona kwakwe: Ha kombela ti to u amukela txikombelo txathu, u txi hi kombelela ka Mkoma Txizimu txako, athu hotshe hi nga sala; hi vadotho hi nga sala ngako u ti wonako ngu maso ako:

Dhaniyeli 2:18

kasiku ve kombela wumbilu ka Txizimu txa nzumani, madingano ni txihunja txiya, ti to Dhaniyeli ni vangana vakwe va si loviswi kumweko ni titxhari ta Bhabhilona.

Amosi 7:2

Se ku to maheka taku: Ngako va nga ti dyite mwasi wotshe wa ditiko, ani ni ti khani: Mkoma Txizimu, divalela! A na guletiswa kutxani Jakobe kani? Nguko ene m'dotho.

2 Makronika 34:21

Tsulani mi ya wotisa ngu ditina dangu, ni da vathu vangu, ni dotshe ditiko da Israyeli ni da Judha, madingano ni mapswi a dibhuku diya di nga manwa, nguko kuhenya ka Mkoma nga hombe txitimwi kwathu; nguko vatate vathu kha va pfisisa mapswi a Mkoma, hambi ku londeta ni ta timweto ti ti nga bhalwa, amu ka dibhuku diya.

Isaya 1:8

Se mwanana wa muhorana wa Siyoni a fana ni m'dhuti wa thembweni ka mivhinya; kufana ni m'dhuti wa thembweni ka maranga; kufana ni didhoropa do randelwa ngu valala.

Isaya 41:14

U nga thave, awe txipungwana txa Jakobe, sivathwana sa ka Israyeli; ani na kuvhuna, kuwomba Mkoma, kambe Mtiruli wako Msawuleki wa Israyeli.