Isaya 37:1 - Bhiblia Yo Sawuleka

¹ Se ku to maheka taku, a di pfite tiya mfumeli Ezekhiya, e vharulela syambalo sakwe, e ti fenengeta ngu disaka da koni, e wulela Nyumbani ka Mkoma.

Isaya 37:1 Referans Kwoze

Isaya 36:22

Sekoko Eliyakimu, mwana Hilikiya, mxayisi wa nyumba ya wukoma, ni Sebhina, mabhalani, ni Jowa, mwana Asafe, didhota da kona, va to ta ka Ezekhiya, ni syambalo so vharukela, ve ta m'geletela mapswi a Rabhisake.

Ezra 9:5

Hafuhi ka mbimo ya miphaxo, ni to khukha kuhenyanimo kwangu, na ni ti vharulete syambalo sangu, ni to khizama, ni guleta manza angu ka Mkoma, Txizimu txangu.

2 Vafumeli 22:11

Ku to maheka koko taku, mbimo yile mfumeli a nga pfa mapswi a dibhuku da Mlayo, e vharula syambalo sakwe.

Matewu 11:21

“Dikhombo dako, Korazini! Dikhombo dako, Bhetsayidha! Nguko sidiwukiso si si nga mahwa kwanu, idiku si ti mahilwe madhoropani ka Tiro ni Sidhoni, nga va di kombile kale kuhunduluka kwawe, ngu kuambala masaka ni kutola dikhuma.

Jeremiya 36:24

Mfumeli ni sithumi sakwe ngako va ti pfite timhaka tiya, kha va thava, kambe kha va bhandelela simaha sawe,

Jeremiya 26:19

Ina Ezekhiya, mfumeli wa ka Judha, ni dotshe ditiko da ka Judha, va mu date kani? Ina kha thava Mkoma, a txi kombela dikato, kuva Mkoma a txi hunduluka ka dikhombo di a nga womba ngu dona kwawe kani? Se athu, kha hi njo mahela wubihi mihefemulo yathu kani?

2 Makronika 32:20

Se mfumeli Ezekhiya, ni mprofeti Isaya, mwana Amosi, va to peka huwa nzumani ve kombela ngu mhaka yiya.

Esteri 4:1

Mbimo yile Mordhekayi a nga ziva totshe tile ti ngadi mahekile, a to vharulela syambalo sakwe, se e ambala syambalo sa masaka ni ku ti theletela dikhuma, kambe a to huma eya hagari ka didhoropa, a txi peka huwa, e dila ngu txiviti;

Isaya 22:12

Se Mkoma, Mkoma wa Mabutho a Tiyimbi, a na mi dhana ka ditshiku dile, kuya dila, ni kuya peka huwa, ni ku kuyula misungo, ni ka muambalisi wa masaka.

Isaya 37:14

Mbimo yile koko Ezekhiya a nga amukela mapapilo, ngu manzani ka mitumi, e ma gonda, a to kwelela eya Nyumbani ka Mkoma; se Ezekhiya a to ya ateta mapapilo masoni ka Mkoma.