Isaya 36:6 - Bhiblia Yo Sawuleka

⁶ Na ti wona taku u themba ndonga yile ya litshava lo funyeka, i ku Egipta, aha kaku m'thu a txo khigetela ka lona, li na mthola dianza, li dhoda ka dimwani didhawa; ngu toneto nene Faro, mfumeli wa Egipta, ka votshe vale va mthembako.

Isaya 36:6 Referans Kwoze

Isaya 31:3

Nguko Vaegipta mbathu, hi nga Txizimu, ni mahantxhi awe i nyama, hi nga moya. Se mbimo yi Mkoma a no guleta diwoko dakwe, votshe va na wa hahatshi, m'vhuni ni wu a vhunwako, votshe va na loviswa kumweko.

2 Vafumeli 18:21

Na ti wona to u themba mtxheketelo wule wa litshava lo funyeka, kona Egipta, aha kaku m'thu a txo khigetela ka lona, li na mthola manzani li dhoda ka dimwani didhawa; ngu nga toneto nene Faro mfumeli wa Egipta, ka vale va mthembako.

2 Vafumeli 17:4

Hambi keto, mfumeli wa Asiriya a mani txikungo txa Hoseya, nguko a ti rumete mitumi ka So, mfumeli wa Egipta, asi ngadi e luva kambe ka mfumeli wa Asiriya dilembe ni dilembe, nga kale; sekoko mfumeli wa Asiriya a to mkhotela mkorani.

Masalmo 146:3

Mi nga thembeni vakoma, mwendo vanana va vathu, va singako ni kuhanyisa.

Mavingu 25:19

M'thu wo mbi na ditshuri ngu mbimo ya xomulo, a fana ni dikwasa do phatuka, ni mkondo wo khuduka.

Isaya 31:1

Dikhombo ka vale va relelako Egipta kuya kombela kuvhunwa; kambe va thembako mahantxhi! Va ku ni themba ni sikotxikani, nguko i ku sasingi, ni vagadhi va mahantxhi, nguko mba mtamo ngutu; va singako ni mhaka ni Msawuleki wa ka Israyeli, kambe kha va lavi Mkoma.

Ezekhiyele 17:17

Se Faro, hambi ni dibutho dakwe da hombe, ni votshe vale votala va m'vhunako, kha na mbi nga maha ta txilo ta yimbi, a txi kela mibhala ni kuaka maguma kasi kuheta vathu.

Ezekhiyele 29:16

Kambe khu na mbi ngadi u thembeka ka nyumba ya ka Israyeli, kasi ku va alakanyisa ngu wubihi wawe, ngako va txi wona msana kwawe; va no tiziva dwe taku ani ngani Mkoma Txizimu.