Isaya 36:4 - Bhiblia Yo Sawuleka

⁴ Se Rabhisake a to va gela ku khene: Gelani Ezekhiya ku khanu: Mfumeli wa hombe, mfumeli wa Asiriya a khene: Kasi i themba muni u yi kombisako kani?

Isaya 36:4 Referans Kwoze

Judha 1:16

Avava i ku vathu vo ngungurukela, va kuzumba ngu kuvilela, va hanyako ngu kulondetela minavelo yawe yo biha; sisofu sawe si womba-womba mapswi o tikulisa, kambe i vathu va kuxengetela, ngako va txi lava kuwuyelwa.

Dhaniyeli 4:30

mfumeli a to wotisa, a txi khene: Ina hi nga ene Bhabhilona wa hombe wu ni nga muaka kasi kumaha nyumba ya wukoma, ngu mtamo wa mfumo wangu, ni wudhumo wa wuhombe wangu kani?

Mavingu 16:18

Kutikukumukisa kuthangela kufuva, ni kutikulisa ngu moya kuthangela kuwa.

Masalmo 42:10

I mhaka muni ni txi xanisekisa tiya kani? Valala vangu va ni ruketela ditshiku ni ditshiku va ni wotisa va txi kha vona: “Txi hani Txizimu txako kani?”

Masalmo 42:3

Kudila mirongo, ngumba sakudya si ni dyako wusiku ni mitshikari, nguko ditshiku ni ditshiku va ni wotisa va txi kha vona: “Txi hani Txizimu txako kani?”

2 Vafumeli 19:10

Mi na ya khanu ka Ezekhiya mfumeli wa ka Judha: “U nga ti xenge, Txizimu txako txile u txi thembako u txi khawe: Jerusalema kha na mbi ningelwa manzani ka mfumeli wa Asiriya.

2 Vafumeli 18:5

A to themba ka Mkoma Txizimu txa ka Israyeli ahale koza, msana kwakwe, ku si maneki mmwani wo nga ene ka votshe vafumeli va ka Judha, hambi ka vale vo khata.

2 Vafumeli 18:17

Hambi keto, mfumeli wa Asiriya a to rumela Tartani, Rabhi-Sarisi, ni Rabhisake, ve khukha ngu Lakisi, ni dibutho da hombe da yimbi, kuya ka mfumeli Ezekhiya kona Jerusalema; va to kwelela veta Jerusalema, se mbimo yile va nga txi kwelela va txita, va to ema ngu ka nzila ya mati a diguwula da hombe, di ku hafuhi ni nzila ya thembwe ya mkuwuli.

Jeremiya 48:14

Mi nga wombisa kutxani mi txi khanu: Hi tindena hi ni mtamo wa kulwa kani?