Isaya 36:12 - Bhiblia Yo Sawuleka

¹² Aniko Rabhisake a ti khene: Ina u alakanya to nyamne wangu a ni rumete ku ta gela nyamne wako ni nawe dwe, timhaka tiya kani? Khu ti zivi to ni gela ni vathu vale va ku txitimwi ka maguma, kasi ku motshenu mi dya mitximba yanu mipune, ni kusela mirundo yanu kani?

Isaya 36:12 Referans Kwoze

2 Vafumeli 18:27

Sekoko Rabhisake a to khene: Ina u alakanya to nyamne wangu a ni rumete ku ta gela nyamne wako ni nawe dwe timhaka tiya kani? Khu ti zivi to ni gela ni vale va ku txitimwi ka diguma, kasi ku motshenu mi dya mitximba yanu mipune, ni kusela mirundo yanu kani?

Ezekhiyele 4:16

Sekoko a to ni gela ku khene: Awe mwanana wa m'thu, wona taku ni na pwatekisa dipawu Jerusalema, se va na dya dipawu da didotho ni manyenyo; ni mati va na sela ngu kupimela ni kukalala;

Jeremiya 19:9

Ni na va maha vedya nyama ya vanana vawe va txiwamna ni va txisikati, mmweyo ni mmweyo a na dya nyama ya dixaka dakwe, ka mbimo ya kurandelwa ni ku kuretwa kwawe, eho va na so mwa tshim ngu valala va va xotako wutomi wawe.

Isaya 9:20

Se ngako a txi wila didhawa da txinene, a na tshumela e pfa nzala, ngako a txi wila didhawa da txibhabha, kha na mbi khura; mmweyo ni mmweyo a na dya nyama ya diwoko dakwe.

Levhi 26:29

Mi na dya nyama ya vanana vanu va vafana, mi txi dya nyama ya vanana vanu vamahorana.

Isaya 36:11

Sekoko Eliyakimu, ni Sebhina, ni Jowa, va to kha vona ka Rabhisake: Hi kombela ti to u womba-womba ka sithumi sako ngu Txisiriya, nguko ha txi ziva kha kwati; kambe u nga hi angule ngu Txijudha, tinzeveni ka vathu va va ku txitimwi ka diguma.

Isaya 36:13

Rabhisake koko a to khukha a txi ema, e kwangula ngu dipswi do guleka ngu Txijudha, a txi khene: Hi nga pfani timhaka ta mfumeli wa hombe, ta mfumeli wa Asiriya!

Ezekhiyele 4:12

Se asi u no dya, si na nga txibhubhutela txa sevhadha, kambe u na si bhika ngu mitximba yi yi humako ngu ka m'thu, na va txi ti wona.