Isaya 34:8 - Bhiblia Yo Sawuleka

⁸ Nguko ditshiku da kuphota ka Mkoma, dilembe da kutshumetela ka kulwa ka Siyoni.

Isaya 34:8 Referans Kwoze

Isaya 63:4

Nguko ditshiku da kuphota di mbiluni kwangu, ni dilembe da vo tirulwa vangu di hokile.

Isaya 61:2

ni kupeka nyiwo ya dilembe do kateka da Mkoma, ni ditshiku da kuphota ka Txizimu txathu; kuthavelela votshe vale va dilako;

Jeremiya 46:10

Nguko ditshiku da Mkoma Nyamne wa Tiyimbi, ditshiku do pharela, ngu kulwisa valala vakwe, se ditxhari di na daya, di khura di txi leva ngu mnoha wawe, nguko Mkoma Txizimu txa Mabutho a Tiyimbi, a ni mphaxo ditikoni ka Wuphemba, hafuhi ni mnambo wa Ewufrate.

Isaya 35:4

Gelani va va pandisekako timbiluni, mi txi khanu: Tsanani, mi nga thaveni! Wonani taku Txizimu txanu txi nata, ku ta mi photela, ni txhatxazelo ya Txizimu; txona txi nata, txi ta mi hanyisa.

Masalmo 94:1

Mkoma, awe u Txizimu txa kutsayisa wubihi! Txizimu, kombisa txiviti txako!

Mtuletelo 19:2

Nguko kulamula ka txona nga ditshuri ni kululama. Ngu txona Txizimu txi nga lamula digelegele da hombe di nga ti nyeta mafu ngu wugelegele wa dona; se ka dona Txizimu txi pharete mnoha wa sithumi sa txona.”

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Dhewuteronome 32:35

Kulumba ani kuphota ni kutshumetela, txa tshuketela txikhati txi mikondo yawe yi no rithimuka, ditshiku da kulova kwawe di hafuhi, ati ti nga longiselwa vona ta tshuketela hafuhi ngu txikuluveta.

Varoma 2:5

Kambe ngu kubanga ka mbilu yako, ayi yi si laviko kuhunduluka, wa ti sengeletela txiviti txi u nota txi mana ka ditshiku da txiviti, ahawa ku nota humelela kulamula ku ko lulama ka Txizimu;

Luka 18:7

Ina Txizimu txi nga tandeka kulamulela vasawuleki va txona, ni kutimisela ngu vona ava va dilako masoni ka txona, wusiku ni mitshikari, kani?

Mika 6:1

Engisani konkuwa ti a wombako Mkoma: Khukha, ulwa ni mimango, se simangwana si na engisa dipwsi dako.

Isaya 49:26

Se vaxanisi vako ni na va dyisa nyama yawe vapune, va na leviswa ngu mnoha wawe vapune, ku nga vhinya, se nyama yotshe yi na tiziva tito, ani ngani Mkoma, Muhanyisi wako, mtiruli wako, Nyamitamo wa Jakobe.

Isaya 26:21

Nguko wona taku Mkoma a na khukha ka wukhalo wakwe, kuya tsayisa vahanyi va ha mafuni, ngu mhaka ya wubihi wawe; se mafu ma na vhunungula mnoha wawe, aniko kha ma na mbi fenengeta kambe vale va nga dawa.

Mtuletelo 14:11

Wutshi wa kuxaniseka kwakwe wu na tuvika ngu hawa ku si gumiko: Ava va khozelako Txikalani ni txithombe txa txona, ni wuhi ni wuhi a amukelako txixambanyo txa ditina da txona, txima kha nga ni kuhumula, wusiku ni mitshikari.”

Isaya 13:6

Pekani huwa nguko ditshiku da Mkoma di hafuhi; di ta ngu ka wu wa Mtamo-wotshe kuta haxula.

Isaya 47:3

Tingana tako ti na vhunungulwa, se ku na wonaneka wumbwiri wako; ni na phota, kha ni na mbi siya m'thu ni wammweyo.

Hoseya 9:7

Ma hokile masiku o tsayiswa, ma hokile masiku a kupharela; Israyeli a na tiziva; mprofeti kha na mapimo, m'thu wa moya, njiphukuphuku; ngu mhaka ya kutala ka wubihi wako, ni lona livengo li na kula.

Joyeli 3:4

Kambe mi ni mhaka muni ni nani awe Tiro ni Sidhoni, ni otshe madhawa a Fenikiya kani? Ngu yona hakhelo yi mi ni ningako kani? Nguko mi txi ni hakelisa tiya, ngu txikuluveta, ni na tisa hakhelo txitimwi ka misungo yanu.

Isaya 13:9

Wonani, ditshiku da Mkoma data, do dhukisa, da tshofu, ni kuhenya ko tura, kasi kuhaxula ditiko, ni kulovisa vaonhi va dona.