Isaya 34:3 - Bhiblia Yo Sawuleka

³ Se vafi va na rinzwa, sirumbi sawe si na nunga, ni mimango yi na nyivilikiswa ngu mnoha wawe.

Isaya 34:3 Referans Kwoze

Joyeli 2:20

Se awule i ku wa Wuphemba, ni na m'yisa kule ni nanu, ni na mtshotsha ka ditiko da kuoma, da txiwula; va masoni ni na va rinza ka Linene la wutxani, ni va msana kwakwe ka Linene la mswa-ditambo; kununga ni kusina kwawe ku na guleka; nguko a mi onhete ka hombe.

Ezekhiyele 39:4

Awe ni dotshe dibutho dako da yimbi, mi na yawa mimangoni ka Israyeli, ni vathu va va ku ni nawe; u na dyiwa ngu makoti, ni sotshe sinyana si ku ni tibhapi, ni sihari sa txitinga.

Isaya 34:7

Ni tinyari ti na txhika nayo, marole, ni madhuna; kambe mafu awe ma na sela mnoha wa sona me khura, ni lithulu lawe li na tala ngu mafura.

Mtuletelo 14:20

Mauvha ma to ya sukwa nzekani yi nga ti hahanze ka didhoropa, se ngu ka yona nzeka yile ku to huma mnoha, awu ngu kutala ka wona wu nga hokela matomu a mahantxhi, wu txi hangalakisa toneto ka mnava wa mazana mararu a makilometru.

Amosi 4:10

Ni rumete mtungu kutalwa ni nanu, ku nga va Egipta: Majaha anu ni ma date ngu ditxhari, mahantxhi anu ni malekile me tekwa, kununga ka mabutho anu, ni ku kwetile tithonvuni kwanu; aniko kha ma hundulukela kwangu, kuwombile Mkoma.

Ezekhiyele 39:11

Ku na maheka taku, ka ditshiku dile, Goge ni na mninga wukhalo kona Israyeli, wa kutshotshwa ka wona, i ku mkova wa vale va pindako wutxani ka linene; se va na xamala va le va no pinda ngu kwakwe; a na tshotshwa kona Goge ni dotshe dibutho dakwe, se va na kha vona Mkova wa Dibutho da Goge.

Ezekhiyele 38:22

Se ni na mlwisa ngu mitungu ni kutheketa mnoha; ni na wisa mati a ndambi, ni marigwi a hombe a maralala, mndilo ni txivavula ni na si wisa txitimwi kwakwe, ni txitimwi ka masotxhwa akwe, ni ka votshe vathu votala va no maneka va di ni nene.

Ezekhiyele 35:6

Ngu kona eho, na hanya ani, kuwomba Mkoma Txizimu, ni ku emisete mnoha, se mnoha wu na kulondeta; nguko khwa nyenya mnoha, mnoha wu na kulondeta.

Ezekhiyele 14:19

Niku ngako ani ni txi rumela mtungu ditikoni, ni theketa txiviti txangu ka dona ngu mnoha, kasi kuthavisa ka dona vathu ni sihari;

Jeremiya 22:19

A na tshotshiswa ku nga mbongola, a na ndindwa a txi ya tshotshwa hahanze ka sidinge sa Jerusalema.

Isaya 10:4

Mi na sikota kunama hagari ka vale va nga ñolwa, mwendo kuwa hagari ka sirumbi sile si nga dawa kani? Hambi keto txiviti txakwe kha txa guma, aniko dianza dakwe di ngadi nawulutilwe.

Isaya 66:24

Se va na huma ve wona sirumbi sa vathu vale va nga ni tshuralela; nguko mbungu yawe kha yi na mbi fa, hambi mndilo wa kona kha wu na mbi timeka; se si na maha ti to votshe vathu ve thava.

Jeremiya 25:33

Ava va nga dawa ngu Mkoma, va na mbambamela ha mafuni, kukhukhela ka likasa limwelo kala ka limwani likasa la mafu; kha va na mbi dilwa, hambi kusengeletwa, hambi kutshotshwa, va na maha fenze ha mafuni.

Nahume 3:3

M'gadhi wa dihantxhi wa guleta ditxhari do phatima, ni mseve wo keluka nga nzuma, se ku nava ni vathu vavangi vo fa, ni sirumbi sasingi, vafi kha va na mbi va ni magwito; va na humbwa ngu mimidi yawe.

Ezekhiyele 32:4

Sekoko ni na kuleka ha mafuni; ni txi kurinza txitimwi ka mafu, sinyana sotshe sa nzuma si na zumba kwako; ni sotshe sihari sa ha mafuni, si na khura ngu ngawe.