Isaya 34:2 - Bhiblia Yo Sawuleka

² Nguko kuhenya ka Mkoma ku txitimwi ka otshe matiko, ni txiviti txi txitimwi ka otshe mabutho a ona; ene a ma khundumusile do gwita, kambe asi ningete kudawani.

Isaya 34:2 Referans Kwoze

Zefaniya 3:8

Ngu toneto, ni vereleni, kuwomba Mkoma: Ka ditshiku di ani ni no khukha ni txi ya handa; nguko maalakanyo angu ngu kusengeleta matiko, ni kutshanganisa mifumo, kuva ni txi na tshakunuta kuhenya kwangu, ni kotshe kupandiseka ka txiviti txangu; nguko otshe mafu awa, ma loviswa ngu mndilo wa txiluse txangu.

Zakariya 14:3

Se Mkoma a na huma e yalwa ni matiko awa, ku nga tile a nga lwisa tona ngu ditshiku da yimbi.

Isaya 30:25

Kambe ka yotshe mimango yo lapha, ni ka sotshe simangwana so guleka, sinambwana ni milonga ya mati, ka ditshiku da kudawa ka hombe, mbimo yile si nowa sitezi.

Isaya 13:5

Se va ta ngu ditikoni da kule, magwito ka nzuma, i Mkoma ni matxhari a kuhenya kwakwe a tako kuta xasela ditiko dotshe.

Mtuletelo 20:15

Se avale va nga ti sa bhalwa dibhukuni ka wutomi va to vinzwa ni vona txizivani ka mndilo.

Mtuletelo 20:9

Va to huma ve hangalaka ni dotshe ditiko ve randela midhuti ya vasawuleki ni didhoropa do randeka; kambe ku to txhika mndilo ngu nzumani wu txi ta va heta.

Varoma 1:18

Nguko kuhenya ka Txizimu ka ti kombisa ku txi ta ngu nzumani, ku ta peka wubihi ni kugombonyeka ka vathu va va tshingelelako ditshuri ngu kona kwa mbi lulama kwawe;

Isaya 10:5

Dikhombo ka Asiriya, ndonga ya kuhenya kwangu! Nguko txiviti txangu txi fanana ni ndonga manzani kwakwe.

Isaya 13:6

Pekani huwa nguko ditshiku da Mkoma di hafuhi; di ta ngu ka wu wa Mtamo-wotshe kuta haxula.

Isaya 26:20

Tsulani, koko, anu vathu vangu, wulelani tinyumbani kwanu mi ti sekela matimba, baramani ngu mbimoanyana, kala kuza kuboxa kuhenya.

Isaya 61:2

ni kupeka nyiwo ya dilembe do kateka da Mkoma, ni ditshiku da kuphota ka Txizimu txathu; kuthavelela votshe vale va dilako;

Isaya 63:6

Se ni kandetete vathu kuhenyani kwangu, kambe ni va lavisile ngu txiviti txangu, se ni wisa mtamo wawe hahatshi.

Isaya 65:12

kambe ni na mi ningela ka ditxhari, motshenu mi na nama mi dayelwa, nguko ni mi dhani, aniko kha ma xamula; ni wombawombile, kambe kha ma engisa, aniko mi mahile ti i ku to biha masoni kwangu, mi sawute sile ani ni nga si si tsakeli.

Isaya 66:14

Eto mi na ti wona, kambe timbilu tanu ti na tsaka, ni marambu anu ma na mana mtamo, kufana ni mwasi wa wuphya; sekoko dianza da Mkoma di na woneka ka sithumi sakwe, se ene a na henyela valala vakwe.

Jeremiya 25:32

Mkoma wa Mabutho a Tiyimbi a khene: Dikhombo di na ya ka ditiko dimwedo ni dimwani, txi na huma txingulu txo thaviseka ngu magwito ka mafu.

Jeremiya 25:33

Ava va nga dawa ngu Mkoma, va na mbambamela ha mafuni, kukhukhela ka likasa limwelo kala ka limwani likasa la mafu; kha va na mbi dilwa, hambi kusengeletwa, hambi kutshotshwa, va na maha fenze ha mafuni.

Eksodha 8:14

Vathu va to ma wungeletela ma txi maha tindunduma, aha koza ditiko di txi nyetwa di txi nunga.

Joxuwa 11:20

Nguko Mkoma ngene a nga bangisa timbilu ta vathu vale, ti to ve huma va txi yalwa ni Israyeli, kasi ku a txi va lovisa do gwita, asi va tsetsi, aniko e va lovisa votshe, nga tile Mkoma a nga leleta ka Mosi.

Masalmo 2:5

Sekoko a womba-womba navo a di henyile a txi va ninga kuthava ngu kuhenya kwakwe, a txi khene:

Isaya 66:16

Nguko ngu mndilo ni ditxhari dakwe, Mkoma a na wulela e lamula votshe vathu; se vafi va Mkoma va na mbambamela.

Jeremiya 25:31

Dipswi dakwe di na pfala kala magwito ka mafu; nguko Mkoma a ni dizunga ni matiko, a na lamula yotshe nyama; a na ningela vabihi ka ditxhari, kuwomba Mkoma!

Ezekhiyele 36:5

Ngu konaho, Mkoma Txizimu a khene: Ngu ditshuri kuhisekani ka kuhenya kwangu, ni wombawombile ni wukela matiko ale ma nga sala, ni ditiko da Edhomi. Vona va honyote mafu angu, ngu kutsaka ka totshe timbilu, ni kutxhipisa muhefemulo, kasi ku wu rinza kuñolwani.