Isaya 33:9 - Bhiblia Yo Sawuleka

⁹ Ditiko da kuma ni kupeka huwa, Libhanoni a ni tingana, a wunile, Xaroni a hindukile e fana ni txiwula, Bhasani ni Karmeli va zuzilwe.

Isaya 33:9 Referans Kwoze

Isaya 35:2

Li na rumbuka ngutu ni kundakandaka ngu litsako, kambe li na peka mikulungwani; li na ningwa wudhumo wa Libhanoni, kufana ni kunona ka Karmeli, ni ka Xaromi; vona va na wona wudhumo wa Mkoma, ni kuphatima ka Txizimu txathu.

Nahume 1:4

Mkoma wa tolovela kukawuka linene, a txi li omisa, kambe wa phwisa yotshe minambo; wa tsivata Bhasani ni Karmeli, se txiluva txa Libhanoni wa txi wunisa.

Isaya 65:10

Se Saroni a na va txibala txa tinvuta, ni mkova wa Akori wu na maha dizumbo da sifuyo, sa vathu vangu va va ni lavako.

Mika 7:14

Dyisa vathu vako ngu ndonga yako, i ku mtxhambi wa thomba yako wu zumbako wokha txitingani, hagari ka ditiko do nona; wu na dyiselwe Bhasani ni Gileyadhi, kufana ni masiku a kale.

Jeremiya 50:19

Israyeli ni na mmaha e tshumelela dizumboni kwakwe, a na dyisela Karmeli ni Bhasani; moya wakwe wu na khuriswa kona Efrayime ni Gileyadhi.

Isaya 37:24

Ngu sithumi sako, u sote Mkoma u txi khawe: Ngu sikotxikani sangu sasingi, ni kwelete titshokani ka mimango, madhawani ka Libhanoni; kambe ni na gangela mikedhari yakwe yo lapha, ni mikhure ya kona yo tshura, ni na hoka tshokani ka kona ko guleka ngutu, ka txitinga txa thembwe yakwe yo nona.

Isaya 24:1

Wonani taku Mkoma wa maha ti to mafu meva txiwula, kambe wa ma kona, wa hindula zumbelo ya ona, e hangalasa vaaki va ona.

Isaya 14:8

Hambi didhondo da mikipresi ni mikedhari ya Libhanoni yi tsakela kuwa kwako, yi txi kha yona: Kukhukhela kule u nga wa, kha ku na wu a tako ku ta hi wilela.

Isaya 3:26

Se sike sa didhoropa si na va kupandisekani ni kudilani; ene a na handwa e khalahatshi hahatshi.

Isaya 2:13

Di na heta yotshe mikedhari ya Libhanoni, yo guleka ni kulapha; ni mikusu yotshe ya Bhasani;

Ndando ya Tindando 2:1

Ani ni txiluva txa Saroni, dikhoñwa da mikovani.

Dhewuteronome 3:4

Se ka yona yile mbimo, hi tekile otshe madhoropa akwe; kha ka nga va ni didhoropa dimwedo hi nga mbi di teka: Mtxhanu wa magumi a madhoropa, dotshe ditiko da Argobha, adile di nga ti fumwa ngu Oge, mfumeli wa Bhasani.

Mithumo 9:35

Se votshe va va nga aka ditikoni ka Lidha ni Saroni, ngako va txi mu wona, va to hunduluka ve kholwa ka Mkoma.

Isaya 10:34

Se a na gangela ngu simbi txitinga txo txhuma, se Libhanoni a na wiswa ngu dianza da wule wa mtamo.

Isaya 29:2

Hambi keto, ni na veka Ariyeli kuxanisekani, se ku nava ni kudila ni kupandiseka; kambe dona di na va didhoropa dangu kufana ni Ariyeli.

Hoseya 4:3

Ngu kumaha keto, ditiko di na dila, ni wuhi wule a zumbako ka dona a na guma mtamo, ni sihari sa txitinga ni sinyana sa nzumani; hambi sihaka sa linene si na loviswa.

Jobe 15:33

Mauvha a kona ma na mbambamela i di ngadi mambisu, kufana ni a muuvha wo wisetela siluva nga muolivha.

Amosi 1:2

Se Amosi a to khene: Mkoma a na bhonga a di Siyoni, se a di Jerusalema, a na pfalisa dipswi dakwe; amu va zumbako kona vadyisi, ku nava ni kudila, kambe ku na oma tshokani ka mmango wa Karmeli.