Isaya 33:6 - Bhiblia Yo Sawuleka

⁶ Se ku nava ni kuzumbiseka ka masiku ako, kutala ka kuhanyisa, wutxhari ni wuzivi; se kuthava Mkoma yi na va i di thomba yanu.

Isaya 33:6 Referans Kwoze

1 Timoti 4:8

Nguko ku ti toloveta ka mithumo ya mmidi kuvhuna ka kudotho, kasi ku ti toloveta ka mithumo ya wukhongeli kuvhuna ka totshe, nguko ku na ni txithembiso txa wutomi wa konkuwa ni wa mbimo yi yi tako.

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

Mavingu 19:23

Kuthava Mkoma ka yisa kuhanyani; awule a mthavako a na enelelwa, kambe kha na mbi telwa ngu dikhombo ni da dimwedo.

1 Timoti 6:6

Ina, wukhongeli njisima txa dibhindu ka wu a zivako kutipimela.

Ekleziyaste 7:19

Wutxhari wa tsanisa txhari, kupinda digumi da vathangeli va manekako didhoropani kumweko.

Mavingu 14:27

Kuthava Mkoma njisima txa wutomi, kasi kuvhikela vathu ka milawu ya lifo.

Masalmo 28:8

Mkoma ngene i ku mtamo wa ngamu yakwe; ene wa lwela ni kuhanyisa mfumeli wu a nga msawula.

Isaya 51:6

Guletani maso mi wona nzumani, mi wona ni mafu hahatshi, nguko nzuma yi na mwalala nga wutshi, ni mafu ma na sakala nga txyambalo, ni va va zumabako ka ona va na fisa ku nga titshuna; aniko kuhanyisa kwangu ku na zumba kala kupinduka, ni kululama kwangu kha ku na mbi funywa.

Ekleziyaste 7:12

Nguko wutxhari mtsudi, kufana ni male i ku mtsudi; aniko wunene wa wutxhari ngu ti taku, wa ninga wutomi ka nyamne wa wona.

Mavingu 28:2

Ngu mhaka ya wuhambunyeti wa mafu, mbangi va lavako wuthangeli, aniko ngu mahaka ya vathu vo txhariha ni kupfisisa, ma na simama ma diho.

Mavingu 15:16

I txhuko kuva ni sa sidotho u txi thava Mkoma, kupinda kuva ni thomba ya hombe, na ku si nga ni kuthutha.

Masalmo 140:7

Awe Mkoma Txizimu, u m'vhikeli wa kuhanyiswa kwangu, awe u tsivete msungo wangu ka ditshiku da kulwa.

Masalmo 45:4

Kupfalisekani kwako, gadha dihantxhi dako u ya lwela ditshuri, u txi lwela txisiwana ni wo lulama mtamo wako wupune wu na kukomba sidiwukiso si u fanelako ku si maha.

2 Vakorinto 6:10

Ho nga ho xaniswa, kuve ha tsaka yotshe mbimo. Hi wonwa nga hi sisiwana, kasi hi fumisa votala. Hi wonwa nga kha hi na txilo, kasi hi ni sotshe.

Mavingu 29:4

Mfumeli wo lulama wa tsanisa ditiko dakwe, aniko awule i ku mngana wo xavwa, wa di hoxota.

2 Vafumeli 18:7

Ngu konaho, Mkoma a ti ti ni nene, ni hayi ha a nga txi maneka kona, a txi tsimbila ngu kutiwonela; a to lwisa mfumeli wa Asiriya kha mthumela.

Mavingu 14:26

Mndani ka kuthava Mkoma ku ni themba yo tsana, kambe ku nava wuthavelo wa vanana vakwe.

Isaya 11:9

Kotshe mmangoni kwangu ko sawuleka, kha ku na mbi va ni kubiha hambi kuonhwa txilo, nguko mafu ma na tala ngu kuziva Mkoma kufana ni mati awa ma fenegetako linene.

Isaya 26:1

Ka ditshiku dile, ku na embelelwa ndando ditikoni ka Judha: Hi ni didhoropa do tsana, adi Txizimu txi nga veka ka dona kuhuluka ngu maguma ni tibhingo.

Isaya 33:20

Wona Siyoni, didhoropa da mibuso yathu ya lisima, maso ako ma na wona Jerusalema, dizumbo da kudikha, ditenda di di na kwa mbi thaviswa, adi tiphande ta dona ti a kwa mbi dulwa, ni tighoti ta dona kha ti na mbi bhenuka.

Isaya 45:17

Aniko Israyeli wa hanyiswa ngu Mkoma, ngu kuhanyisa ka kwa mbi guma; ngu mhaka yeto kha mi na mbi wiswa tingana, hambi kukanganyiswa kala kupinduka.

Isaya 51:14

Awule a nga sungwa wukhumbini, a na thukunyulwa ngu kukuluveta, se kha va na mbi fela mu diphalani, kambe kha va na mbi pwata sakudya.

Jobe 4:6

Ina hi nga kuthava Txizimu i kuthemba yako, ni kuverela kwako hi nga tinzila tako ta tinene kani?

Mavingu 2:5

ngu kona u no pfisisa mhaka ya kuthava Mkoma, kambe u na mana kuziva Txizimu.

Mavingu 14:24

M'bhoti wa titxhari ngu thomba yawe, wuphukuphuku wa siphukuphuku ngu wuphukuphuku wa sona.

Isaya 32:17

Se simaho sa kululama si na va kudikha, ni mthumo wa kululana wu na va kuzumbiseka, ni kutsana ko mbi guma.

Isaya 32:18

Vathu vangu va na zumba ditikoni ka kudikha, ka tinyumba to tsana ngutu, ni ka makhalo o humula ngu kuthutha,

Jeremiya 31:34

Kha ku na mbi maneka wo gondisa mwakelani, hambi mmwani ka mwanawe, ku khene: Zivani Mkoma; nguko votshe va na ni ziva, kukhukhela ka wam'dotho wawe kala ka wa hombe, kuwomba Mkoma; nguko ni na divalela wubihi wawe, kha ni na mbiswa ni txi alakanya sionho sawe.

Habhakuki 2:14

Nguko mafu ma na tala ngu kuziva kudhumisa Mkoma, ku nga tile mati ma fenengetisako tona linene.