Isaya 33:21 - Bhiblia Yo Sawuleka

²¹ Aniko Mkoma haleya a na va wa hombe kwathu, wukhalo wa minambo ni milonga yo anama, ni ya yimweyo ngalava yo txungelwa kha yi na mbi pinda ngu kona, hambi txitimela txa hombe txa mati, kha txi na mbi tsimbila ngu kona.

Isaya 33:21 Referans Kwoze

Mithumo 7:2

Sitefani a to xamula, a txi khene: “Anu vanathu ni nanu vatata, ni engiseni! Txizimu txa wudhumo txi ti kombisile ka tate wathu Abrahamu, na a di ngadi Mesopotamiya, na a sinzi kuaka Harani,

Isaya 66:12

Nguko Mkoma a womba tiya: Wonani ti to ni na ateta kudikha kufana ni mnambo, ni wudhumo wa matiko kufana ni txinambwana, txi txi thekelelako; sekoko mi na mama, va na mi gulwa, va txi mi khutarela.

Isaya 48:18

O! I tiku u to engisa sileleto sangu! Sekoko, kudikha kwako ku ndi na fana ni mnambo, ni kululama kwako nga mavimbi a linene.

Isaya 41:18

Ni na tula minambo ka makhalo o guleka ni sisima hagari ka mikova; txiwula txi na hunduka txi maha maziva a mati, ni mafu a kuoma ma na humisa sisima sa mati.

Masalmo 29:3

Dipswi da Mkoma da pfala hagari ka linene; Txizimu txo dhumiseka txa dhindisa nzuma txitimwi ka Linene la hombe!

Isaya 33:17

Maso ako ma na wona kutshura ka hombe ka Mfumeli, kambe ma na wona ditiko da kule.

Isaya 43:19

Wonani taku ni na maha mhaka ya yiphya, se konkuwa ti huma hakubasani; ina kha mi na mbi tiziva kani? Wonani taku ni na dola nzila txiwulani, ni minambo ligwangwani.

Isaya 43:20

Sihari sa txitinga si na ni thumela, maxolwa ni vanana va mbuwu, nguko ni na thela mati txiwulani, ni minambo ligwangwani, kasi ku vathu vangu ve mana kusela, ka msawuleki wangu.

Mitengo 23:21

Ani kha ni woni dikhombo ka Jakobe, hambi kukarateka ka Israyeli. Mkoma Txizimu txawe a kumweko nayo mndani kwakwe. Mkoma wawe, awu va mahako migiyo ya ku mtsakela.

Dhewuteronome 23:15

U nga ningele khumbi ka nyamne wa yona, ayile yi nga thava ka nyamne wa yona yi txi tutumela kwako.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Zakariya 2:9

Nguko wonani taku, ni na guleta dianza dangu txitimwi kwawe, se vona va nata maha sikarawa, sa va va nga va thumela. Ngu kumaha keto, mi na tiziva tito, Mkoma wa Mabutho a Tiyimbi a ni rumile.