Isaya 32:18 - Bhiblia Yo Sawuleka

¹⁸ Vathu vangu va na zumba ditikoni ka kudikha, ka tinyumba to tsana ngutu, ni ka makhalo o humula ngu kuthutha,

Isaya 32:18 Referans Kwoze

Zakariya 2:5

Se ani, kuwomba Mkoma kwakwe, ni na va diguma da mndilo do mranganyeta, se ani nipune ni na va wudhumo hagari kwakwe.

Jeremiya 33:16

Judha a na hanyiswa kayo masiku, ni Jerusalema a na zumba ngu kuthutha. Va na m'dhana ngu ditina do kha vona, Mkoma ngene kululama kwathu.

Vahebheru 4:9

Hambi keto, kuhumula ku ngadi ho ku, ku nga siyelwa vathu va Txizimu.

1 Johani 4:16

Se athu hi li zivile ni ku li tumela lirando li Txizimu txi ku nalo ni nathu. Txizimu lirando; awu a zumbako lirandoni, a zumba ka Txizimu, se Txizimu txi zumba kwakwe.

Zakariya 2:8

Nguko Mkoma wa Mabutho a Tiyimbi a khene: Msana ka wudhumo, ene a ni rumete ka matiko ale ma nga mi handa; nguko wule a mi gwesako, a gwesa pfhaka ya diso dakwe.

Isaya 2:4

Se ene a na lamula txitimwi ka matiko, kambe a na tsayisa matiko o tala; a na hundulusa matxhari awe me maha misuka, ni tingove tawe ti maha masikela; ditiko kha di na mbi guleta ditxhari do lwisa dimwani ditiko; kha va na mbi gondela kambe kulwa yimbi.

Isaya 11:10

Se ku na maheka tito, ka ditshiku donedo, matiko ma na wotisa ngu mtwi wa Jese, i ku wule wu no mahwa m'jeke wa vathu, se wukhalo wa kuhumula ka wona wu na va ni wudhumo.

Isaya 14:3

Se ku na humelela tito, ngu ditshiku di Mkoma a nota kuninga kuhumula ka mthumo wako, ni ka kuthava kwako, ni ka mthumo wo nemela, wule va nga kuthumisa,

Isaya 26:3

Awe u na xayisa ngu kudikha awule mapimo akwe ma nga tsana kwako; nguko ene wa kuthemba.

Isaya 26:12

Mkoma, awe u na hi ninga kudikha, nguko awe ngawe, u nga maha kwathu yotshe mithumo yathu.

Isaya 28:12

nga kule ni nga khani: Akuwa nguhumula, ningani kuhumula ka kuhumula; se ayiya i mbimo yo ndinda moya; aniko kha va lava kuengisa.

Isaya 30:15

Nguko Mkoma Txizimu, Msawuleki wa Israyeli, a khene: Ngu kuhunduluka ni kuthutha, ku ndi na maneka kuhanyiswa kwanu; kuzumbisekani ni mu ka kuthemba, ku ndi na maneka mtamo wanu, aniko kha ma ti lava.

Isaya 65:9

Kambe ni na humisa lixaka ngu ka Jakobe ni ka Judha, txidya-thomba txa mimango yangu, se vasawuleki vangu va na ningwa ditiko, ni sithumi sangu si na zumba ka dona.

Isaya 65:21

Se va na aka tinyumba, ve zumba ka tona; va na phaya mivhinya, ve dya mihando ya kona.

Zakariya 3:10

Ka ditshiku donedo, kuwomba Mkoma wa Mabutho a Tiyimbi, mmwani ni mmwani kwanu, a na ramba muakelani wakwe, kuya zumba nayo hahatshi ka mivhinya, ni hahatshi ka mikuwu.

Eksodha 9:26

Ditikoni ka Goseni, amu va nga ti ka dona va ka Israyeli, ku ti si wi mati a maralala.

Masalmo 107:7

A to va tsimbitisa ngu nzila yo lulama, e va yisa ka ditiko di va fanelako kuaka ka dona.

Mavingu 24:15

Awe m'bihi, u nga baramele m'ti wa m'thu wo lulama, hambi kuhanda nyumbani kwakwe.

Isaya 33:6

Se ku nava ni kuzumbiseka ka masiku ako, kutala ka kuhanyisa, wutxhari ni wuzivi; se kuthava Mkoma yi na va i di thomba yanu.

Ezekhiyele 34:28

Kha ti na mbi ngadi ti ñolwa kambe ngu vamatiko, ni sihari sa tshofu sa mafu kha si na mbi ngadi si txi ti dya kambe; ti na zumba ti di tsani, kambe kha ku na mbi va ni wo ti dhukisa.