Isaya 32:17 - Bhiblia Yo Sawuleka

¹⁷ Se simaho sa kululama si na va kudikha, ni mthumo wa kululana wu na va kuzumbiseka, ni kutsana ko mbi guma.

Isaya 32:17 Referans Kwoze

Isaya 26:3

Awe u na xayisa ngu kudikha awule mapimo akwe ma nga tsana kwako; nguko ene wa kuthemba.

Masalmo 119:165

Avale va randako mlayo wako va hanya ngu kudikha ka hombe, kuwalo txilo txi va khuvekisako.

Masalmo 85:8

Ni na engisa atile Txizimu txi no womba. Kha ditshuri Mkoma a thembisile kudikha ka vathu vakwe, ka vathu va va m'thembako kasiku va si tshumeleli wupumbuni.

Varoma 14:17

Nguko Mfumo wa Txizimu hi nga kudya ni kusela; aniko ngu kululama, ni kudikha, ni kutsaka ngu ka Moya wo Sawuleka.

1 Johani 4:17

Ngako lirando li di hetisekile kwathu, hi nava ni kutsana ka ditshiku da kulamulwa, nguko atiya Kristu a ku ngu tona, nathu hi zumbisile toneto ha ditikoni.

Ezekhiyele 39:29

Kha ni na mbiswa ni va sisela kambe khohe yangu, mbimo yi ni no va ni di tshakunutile Moya wangu txitimwi ka nyumba ya ka Israyeli, kuwomba Mkoma Txizimu.

Isaya 57:19

Ani na veka mihando ya sisofu: Kudikha, kudikha, ka vale va ku kule, ni ka vale va ku hafuhi, kuwomba Mkoma, kambe ani ni na va kalamukisa.

Isaya 55:12

Nguko mi na huma mi di tsakile, mi tsimbitiswa ngu kuthutha; mimango ni simangwana si na kwangula ngu kutsaka masoni kwanu, se yotshe mindonga ya txitinga yi na peka manza.

Vahebheru 6:11

Kambe athu hi navela ti to mmweyo ni mmweyo kwanu e kombisa kukhutala konako kala magwito, kasiku txithembo txanu txi hetiseka.

Isaya 48:18

O! I tiku u to engisa sileleto sangu! Sekoko, kudikha kwako ku ndi na fana ni mnambo, ni kululama kwako nga mavimbi a linene.

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

Ezekhiyele 37:25

Va na zumba ka ditiko dile ni nga ninga txithumi txangu Jakobe, emo va nga ti zumbile kona vatate vanu; se va na zumba ka dona, vona ni vanana vawe, ni vatukulu vawe, yotshe mbimo; kambe txithumi txangu Dhavhidha a na va mthangeli wawe, ngu ha ku si gwitiko.

Isaya 66:12

Nguko Mkoma a womba tiya: Wonani ti to ni na ateta kudikha kufana ni mnambo, ni wudhumo wa matiko kufana ni txinambwana, txi txi thekelelako; sekoko mi na mama, va na mi gulwa, va txi mi khutarela.

Isaya 30:15

Nguko Mkoma Txizimu, Msawuleki wa Israyeli, a khene: Ngu kuhunduluka ni kuthutha, ku ndi na maneka kuhanyiswa kwanu; kuzumbisekani ni mu ka kuthemba, ku ndi na maneka mtamo wanu, aniko kha ma ti lava.

Isaya 11:13

A na tovela txiluse txa Efrayime, se valala va ka Judha va na loviswa, Efrayime kha na mbi lusela Judha, ni Judha kha na mbi xanisa Efrayime.

Mavingu 14:26

Mndani ka kuthava Mkoma ku ni themba yo tsana, kambe ku nava wuthavelo wa vanana vakwe.

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

Vahebheru 12:11

Kha ditshuri, kotshe kutsayiswa kha ku tekeli kuwoneka ti to njimaha txo tsakisa, aniko kuwonekisa ku nga ngu xaniswa. Kambe msana ka mbimo, ka vale va nga gondiswa toneto, kuninga mihando ya kudikha ni ya kululama.

Masalmo 85:10

Lirando ni ditshuri si na manana; kululama ni kudikha si na pswopswana.

Isaya 11:10

Se ku na maheka tito, ka ditshiku donedo, matiko ma na wotisa ngu mtwi wa Jese, i ku wule wu no mahwa m'jeke wa vathu, se wukhalo wa kuhumula ka wona wu na va ni wudhumo.

Isaya 28:12

nga kule ni nga khani: Akuwa nguhumula, ningani kuhumula ka kuhumula; se ayiya i mbimo yo ndinda moya; aniko kha va lava kuengisa.

Esteri 9:30

Se va to rumela mapapilo ka votshe Vajudha, va ku ka 127 wa matiko a hombe a mfumo wa Asuwero, ni mapswi a kudikha ni wunene,

Mavingu 1:33

Aniko awule a no ni engisa a na hanya ngu kutsana, kambe a na humula mu ko thava kubiha.

Isaya 33:6

Se ku nava ni kuzumbiseka ka masiku ako, kutala ka kuhanyisa, wutxhari ni wuzivi; se kuthava Mkoma yi na va i di thomba yanu.