Isaya 32:15 - Bhiblia Yo Sawuleka

¹⁵ Kala kuza wu txhika txitimwi kwathu Moya wa txitimwi; sekoko txiwula txi na hinduka txi maha thembwe yo nona, kambe thembwe yo nona yi na maha txitinga.

Isaya 32:15 Referans Kwoze

Isaya 29:17

Ina Libhanoni kha na kuhunduluka, ngu mbimo yayidotho, eva thembwe yo nona kani? Se thembwe yo nona kha yi na kumaha txitinga kani?

Ezekhiyele 39:29

Kha ni na mbiswa ni va sisela kambe khohe yangu, mbimo yi ni no va ni di tshakunutile Moya wangu txitimwi ka nyumba ya ka Israyeli, kuwomba Mkoma Txizimu.

Isaya 44:3

Nguko ni na tshakunuta mati txitimwi ka txihala, ni minambo txitimwi ka mafu a kuoma; ni na thela moya wangu txitimwi ka liveleko lako, ni makatekwa angu txitimwi ka vanana vako.

Isaya 59:19

Sekoko va na thava ditina da Mkoma kukhukhela Mswa-ditambo, ni wudhumo wakwe khukhela Muhuma-ditambo; mlala a nata kufana ni kukhulunga ka mati, Moya wa Mkoma wu na mu wukela ni m'jeke wakwe.

Mithumo 2:33

Se ngako a di guletilwe ngu diwoko da txinene da Txizimu, Jesu a amukete ka Tate txithembiso txa Moya wo Sawuleka, awu a nga wu rumela, nga ti mi ti wonako ni ku tiengisa.

Luka 24:49

Wonani: Ani ni na ya mi rumela, txi ta kwanu, txithembiso txa Tate wangu. Kambe zumbani didhoropani kala kuza mi txi ambaliswa mtamo wa kuta ngu txitimwi.”

2 Vakorinto 3:8

ngutu-ngutu mthumo wa moya wu ni kuphatima ku kupindisako.

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Masalmo 104:30

Ngako u txi si rumela moya wako, sa tshumela si hanya. Ngu toneto, wa wuseta mafu me maha a maphya.

Isaya 63:11

Hambi keto, a to alakanya masiku a kale ngutu, a Mosi ni a vathu vakwe, va nga kha vona: Ahayi wule a nga va humisa lineneni, kumweko ni vadyisi va mtxhambi kani? Ahayi wule a nga thela Moya wakwe wo Sawuleka hagari kwawe,

Isaya 45:8

Anu tizuma nisani mwando, ni marefu ma na nise kululama; ma na tuleke mafu, se kuhuma kuhanyisa, kululama ku na ninge mihando kumweko; ani Mkoma, ni si vangile.

Mavingu 1:23

Hundulukani ngu mhaka ya kukawuka kwangu; wonani taku ni na thela moya wangu txitimwi kwanu, kambe ni na mi maha mi ziva mapswi angu.

Isaya 35:7

Se mafu a kuoma ma na hinduka me maha sisima, ni mafu a ditora ma nava sisima sa mati; se mazumboni ka maxolwa ku na mila mwasi, ni titshava, ni tiwungu.

Masalmo 107:35

wa hindula siwula si maha maziva a mati ni mafu a txigwangwa me maha milonga,

Masalmo 107:33

Mkoma wa txitxa minambo yi maha txiwula ni milonga yi maha txigwangwa;

Johani 7:39

Jesu a ti ti womba tiya, na a txi fanekisa Moya wu va nga txi fanela ku wu amukela avale va ndino kholwa kwakwe; nguko wona Moya wu ti sanzi kuta, nga ti Jesu a nga sanzi kupfaliswa.

Isaya 28:6

Kambe ku nava ni moya wa wululamo, ka wule a khalahatshako e lamula, ni mtamo ka vale va tshumetako yimbi ngu msana, kala ha txikeni.

Isaya 59:21

Se ani ngu kwangu, atxiya njitumelelano txangu navo, kuwomba Mkoma: Moya wangu, wu ku txitimwi kwako, ni nga wu veka txisofuni kwako, kha wu na mbi huma txisofuni kwako, hambi ngu txisofuni ka vanana vako, mwendo ngu ka txisofu txa vatukulu vako, kuwomba Mkoma, kukhukhela konkuwa kala kupinduka.

Ezekhiyele 37:14

Kambe ni na thela kwanu Moya wangu, mi na hanya, se ni na ya mi veka ditikoni kwanu, mi na tiziva taku ani Mkoma, ni wombile eto, kambe ni ti mahile, kuwomba Mkoma.