Isaya 32:14 - Bhiblia Yo Sawuleka

¹⁴ Nguko nyumba ya wukoma yi na sala yokha, diguwa da didhoropa di na guma; mimango ni sitezi sa vawoneleti si na maha tiphako ka yotshe mbimo, emo timangwa ti no tutuma-tutuma kona, ku txi maha lihawu la sifuyo.

Isaya 32:14 Referans Kwoze

Isaya 27:10

Nguko didhoropa da mtamo di sate dokha, dizumbo do lambwa ni kulekwa kufana ni txiwula; eyo va na dyisela kona marole, kambe ma na otela kona, me dya madhavi a kona.

Isaya 25:2

Nguko didhoropa u di mahile mmumbu wa marigwi, didhoropa do tsana u di mahile dirumbi, se dizumbo da vamatiko, di nga mahe kambe didhoropa, di nge ngadi di aketwa kambe.

Isaya 24:12

Didhoropani ku to sala kukoneka dwe, ni matimba a dona ma fayetetwe.

Isaya 24:10

Didhoropa da txiwula di khundumusilwe, totshe tinyumba ti vhatwe, kha ku na mbi wulela m'thu ni wammweyo.

Luka 21:24

Va na wa ngu kudawa ngu ditxhari, va na payulwa ve yiswa ka otshe matiko; se Jerusalema a na kandetelwa ngu vamatiko, kala kuza mbimo ya vamatiko yi va yi di tatisekile.

Luka 21:20

Ngako mi txi wona Jerusalema a txi ranganyetwa ngu sikwata sa tiyimbi, zivani ti to kuvhandamuswa kwakwe ku hafuhi.

Isaya 6:11

Sekoko ani ni to khani: Kala yihi mbimo kani Mkoma? A to xamula a txi khene: Kala kuza madhoropa me maha marumbi, kupwateka ni vaaki, ni tinyumba ti si nga ni vathu, ni ditiko dotshe di maha dirumbi.

Isaya 5:9

Mkoma wa Mabutho a Tiyimbi, a to khene tinzeveni kwangu: Ngu ditshuri tinyumba tatingi ti na maha marumbi, tinyumba ta hombe, totshura ti na pwata vathu.

Masalmo 104:11

Sihari sotshe sa txitinga si sela ona mati awa ni timhoti ta mimango ti tima ditora ka ona.

2 Vafumeli 25:9

A to hisa Nyumba ya Mkoma ni nyumba ya mfumeli, kumweko ni totshe tinyumba ta Jerusalema; a to hisa ni totshe tinyumba ta vahombe.

Isaya 7:23

Kambe ku na humelela ka ditshiku dileya, ti taku, makhalo otshe a mivhinya ya 1.000, yo dingana male ya 1.000 wa matxheleni a silivhela, ku na mila sipopo ni mipa.

Isaya 22:2

Awe didhoropa do tala ngu tihuwa; Didhoropa da tipfilupfilu, didhoropa do ndaka-ndaka ngu litsako, vafi vako hi nga vafi vo dawa ngu ditxhari, kambe kha va fela yimbini.

Jeremiya 6:5

Wukani, a hi m'ganyateleni ni wusiku, hi txi ya khundumusela tinyumba takwe ta wukoma.

Jeremiya 14:6

Timangwa ti emile mimangoni, to bhibhikelana kufana ni vanyapwe; maso a tona ma pfhupete, ngu kupwateka ka mwasi wa wuphya.

Jeremiya 33:4

Nguko Mkoma, Txizimu txa Israyeli, a womba xungetano ni tinyumba ta diya didhoropa, ni xungetano ngu tinyumba ta vafumeli va ka Judha, ati ti nga khundumuselwa, kasi kuvhikela didhoropa ka maphala ni matxhari.

Jeremiya 52:27

Se mfumeli wa Bhabhilona a to va dayisa e va daya kona Ribhila, ditikoni ka Hamati; ngu kumaha keto, Judha a to tekwa ditikoni kwakwe e tsuliswa wukhumbini.

Hoseya 2:3

Kasiku ani ni si mleki a sa ambala txilo, ni m'veka kufana ni ditshiku dile a nga velekwa ngu dona, ni mmaha e fana ni txiwula, ni m'veka kufana ni ditiko da txihaha, ni m'daya ngu ditora,

Zefaniya 2:7

Mabambe mule ku na lumba miboti ya nyumba ya ka Judha, kuva va txi dyisela kona sifuyo; ni minova va na ya otela tinyumbani ka va ka Axikaloni, nguko Mkoma, Txizimu txawe, a na va endela, kambe a na va tshumetela tikhumbi tawe.

Zefaniya 2:15

Adiya ngu dona didhoropa do tsakisa, di nga ti ti zumba ngu kwa mbi ti wonela, di nga ti ti womba mbiluni ka dona: Ani ngani, kambe kha ku na dimwani hahanze kwangu; eto di nga mahisa tona marumbi, ni ku va nyumba ya sihari! Ni wuhi wu a no pinda ngu ka dona a na veta mloti, se e zinginisa dianza dakwe.

2 Makronika 33:14

Se msana keto, a to aka diguma ngu hahanze ka Didhoropa da Dhavhidha, ngu didhawa da wulambwe ka Giyoni, mkovani, ngu ha txikeni ka Ditimba da Txihaka, a txi renzeleka kala Ofeli, e di laphisa ngutu ta tinene; kambe e veka vathangeli va mtamo ka otshe madhoropa a hombe a Judha.

Nehemiya 3:26

ngu kumaha keto, Vanetine, va nga ti ti zumba Ofeli, va to aka kala ka Txike txa Mati, ngu didhawa da wutxani, an'ze ka txitezi txa txitimwi.

Isaya 3:26

Se sike sa didhoropa si na va kupandisekani ni kudilani; ene a na handwa e khalahatshi hahatshi.

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.