Isaya 32:13 - Bhiblia Yo Sawuleka

¹³ Txitimwi ka ditiko da vathu vangu, ku na mila sihaha ni sitxhotxhota, kumweko ni txitimwi ka totshe tinyumba to tsaka ka tona, ka didhoropa di di ndakandakako ngu kutsaka.

Isaya 32:13 Referans Kwoze

Isaya 22:2

Awe didhoropa do tala ngu tihuwa; Didhoropa da tipfilupfilu, didhoropa do ndaka-ndaka ngu litsako, vafi vako hi nga vafi vo dawa ngu ditxhari, kambe kha va fela yimbini.

Hoseya 9:6

Nguko wona taku vona va tsute ngu mhaka yo hoxotwa, kambe Egipta a na va amukela, Menfisi a na va tshotsha; kunavela ka silivhela yawe ku na fenengetwa ngu maxexwe, ni mipa yi na mila matendani kwawe.

Isaya 34:13

Se tinyumbani kwawe ka wukoma ku na mila mipa, maxexo ni sihaha ka mikhokhola yawe; ku na maha dizumbo da vamwamilambo, ni m'hubhe wa sisondo sa timbuwu.

Isaya 7:23

Kambe ku na humelela ka ditshiku dileya, ti taku, makhalo otshe a mivhinya ya 1.000, yo dingana male ya 1.000 wa matxheleni a silivhela, ku na mila sipopo ni mipa.

Hoseya 10:8

Se mimango ya Avheni, i ku txionho txa Israyeli yi na khundumuswa; mipa ni maxexo si na kula txitimwi ka siluvelo sawe; se va na kha vona ka mimango: Hi fenengeteni! Se ka simangwana: Welani txitimwi kwathu!

Jeremiya 39:8

Se Vakaldheya va to hisa nyumba ya mfumeli ngu mndilo ni tinyumba ta vathu va ditikoni, ve khundumusela maguma a Jerusalema.

Isaya 6:11

Sekoko ani ni to khani: Kala yihi mbimo kani Mkoma? A to xamula a txi khene: Kala kuza madhoropa me maha marumbi, kupwateka ni vaaki, ni tinyumba ti si nga ni vathu, ni ditiko dotshe di maha dirumbi.

Isaya 5:6

Thembwe yi na maha txiwula, kha yi na mbi sakatwa, hambi kudimwa; kambe ku na mila txipopo ni mipa; ni na leleta marefu ti to ma si nisi nzuma txitimwi ka yona.

Masalmo 107:34

wa hindula mafu o nona ma txi maha o savala, ngu mhaka ya wubihi wa vaaki va kona;

Isaya 5:10

Se digumi da tindima ta vhinya ti na humisa digarafawu; ni omeri yimweyo ya mbewu yi na humisa efa yimweyo dwe.

Isaya 23:7

Ina ngu dona didhoropa danu, di mi nga ti ndaka-ndaka ngu ku di tsakela kani? Adiya wukale wa dona i ku wa masiku a kale ngutu kani? Nguko mikondo ya dona yipune yi na di maha di tsimbilela kuya kule.

Isaya 23:9

Mkoma wa Mabutho a Tiyimbi, ngene a nga lulamisa txikungo txiya, kasi kuonha ku tikulisa ka sotshe siphatiphati, ni kuveka hahatshi vale vo dhundeka ngutu va ha mafuni.

Isaya 24:11

Ku ni tihuwa amu ka tinzila ta hombe, ngu mhaka yo lava vhinya; kotshe kutsaka ku phumile, ni misakano ya mafu yi gumile.

Isaya 27:10

Nguko didhoropa da mtamo di sate dokha, dizumbo do lambwa ni kulekwa kufana ni txiwula; eyo va na dyisela kona marole, kambe ma na otela kona, me dya madhavi a kona.

Isaya 55:13

Ka wukhalo wa mipa, ku na mila faya, se ka wukhalo wa txipopo, ku na mila mirta; si na va ditina da Mkoma, i ku txikombiso txi na kwa mbi pfhitwai.

Jeremiya 33:4

Nguko Mkoma, Txizimu txa Israyeli, a womba xungetano ni tinyumba ta diya didhoropa, ni xungetano ngu tinyumba ta vafumeli va ka Judha, ati ti nga khundumuselwa, kasi kuvhikela didhoropa ka maphala ni matxhari.

Jeremiya 52:27

Se mfumeli wa Bhabhilona a to va dayisa e va daya kona Ribhila, ditikoni ka Hamati; ngu kumaha keto, Judha a to tekwa ditikoni kwakwe e tsuliswa wukhumbini.

Hoseya 2:3

Kasiku ani ni si mleki a sa ambala txilo, ni m'veka kufana ni ditshiku dile a nga velekwa ngu dona, ni mmaha e fana ni txiwula, ni m'veka kufana ni ditiko da txihaha, ni m'daya ngu ditora,