Isaya 30:6 - Bhiblia Yo Sawuleka

⁶ Mahungu a sihari sa Wulambwe. Ka ditiko da txixaniso ni xomulo (kutako ngu ka dona mnyoka, ni mwamilambo wo tura, a purumako), va na sanzeka tithomba tawe aha ka simbongolana, ni txitimwi ka malunda a makamelu, tithomba tawe, ka vathu va va na kwa mbi bhindula txilo kwawe.

Isaya 30:6 Referans Kwoze

Dhewuteronome 8:15

awule a nga kutsimbilisa ngu mu ka txiwula txa hombe txo thisa, txo tala ni minyoka ya wuxungu, ni tihume ni mu ka ditiko do mbi na mati, a ku humisete mati ngu ka dirigwi do banga;

Jeremiya 11:4

a txi ni nga layela vatate vanu ditshikwedo ni nga va humisa ditikoni ka Egipta, aha ka m'dhikila wa nyundo ya txikete, ni txi khani: Engisani dipswi dangu, mi txi maha totshe ti ni mi rumako; sekoko mi na va ditiko dangu, nanani ni na va Txizimu txanu,

1 Vafumeli 10:2

Se a to ta Jerusalema ni dibutho da hombe, ni makameli ma di rwate sidyanadyana, ni nzalama yayingi ngutu, ni marigwi a lisima; e ta geletela Solomoni totshe ti a ngadi nato mbiluni kwakwe.

Dhewuteronome 4:20

Aniko, Mkoma a mi tekile e mi humisa ditikoni ka Egipta, ka txikho txa tisimbi, kasi ku miva vathu va mi kuthomba yakwe, ku nga ti nyamsi mi ti wonako.

Matewu 12:42

Mfumeli wa wamsikati wa kuta ngu wulambwe, a nata ngu distsiku da kuthethiswa kumweko ni liveleko liya, a txi li kambula, nguko ene a tile ngu magemeta-mitshi ka mafu ku ta pfa wuzivi wa Solomoni. Kasi waho kona hawa, wa hombe kupinda Solomoni.”

Hoseya 12:1

Efrayime a ti dyisa ngu moya, kambe a londeta moya wa wutxani: Ditshiku dotshe a andisa makuhu ni kuhoxota, a maha txitumelelano ni Asiriya, se mtona wa kona wu yiswa Egipta.

Jeremiya 2:6

Se kha va kha vona: “Ahani Mkoma, awu a nga hi humisa ditikoni ka Egipta kani? Awu a nga hi thangela amu txiwulani, ditikoni ka sigwangwa ni maphala, ditikoni ka kuoma kumweko ni mtsudini wa kufa Ditiko di nga ti si nga ni vapindi ni vaaki.”

Isaya 57:9

Se uya ka mfumeli ni mafura, kambe wa andisa mafura ako o bhumula; wa rumela sirumwa sako si txi ya kule, kambe wa va ruma kala Xeyoli.

Isaya 19:4

Se ni na ningela Vaegipta manzani ka m'thu wo karata ngutu, va na fumelwa ngu mfumeli wo xupha ngutu, kuwomba Mkoma, Mkoma wa Mabutho a Tiyimbi.

Isaya 15:7

Se tithomba tile ti nga sengeletwa ni sile va nga veka, va na si yisa txinambwanani ka mipfhuwu.

Isaya 8:22

Se va txi wonetela ha mafuni, ku nava ni tshani ni txidema, va na xaniseka ve ndindelwa txidemani.

2 Makronika 16:2

Sekoko, Asa a to thavisa yotshe silivhela ni nzalama yi nga ti sate ka tithomba ta Nyumbani ka Mkoma, ni mu ka tithomba ta nyumbani ka mfumeli, e si rumela ka Bheni-Hadhadhe, mfumeli wa Siriya, a nga txi zumba Dhamasku, a txi khene:

2 Makronika 9:1

Mbimo yile mfumeli wa txisikati wa Sabha a nga pfa nduma ya Solomoni, a tile Jerusalema e ta m'hika ngu siwotiso so karata. A to ta ni dibutho da hombe, ni makameli ma di rwate sidyanadyana, ni nzalama yayingi ngutu, ni marigwi a lisima; se e ta geletela Solomoni totshe ti a ngadi nato mbiluni kwakwe.

Dhewuteronome 17:16

Kambe mfumeliyo kha kulaveki ku eva ni mahantxhi o tala, hambi kukurumeta vathu ve tshumelela Egipta kasi kuya mana mahantxhi o tala; nguko Mkoma a ti khene: Kha mi na mbi tsimbila kambe ngu yona nzila yiya.

Eksodha 1:14

ngu kumaha keto, va to va pfisa kupanda kuhanyani kwawe, ngu wukhumbi wo nemela, ngu kuvhuva txitsowo ni kubhaka sitini, mithumo yo hambana-hambana, ya tithembweni ni mithumo yotshe yi va nga txi va ruma ku yi maha.

Genesisi 12:9

Msana keto, Abramu a to tsimbila, eza a txi ya hoka Negebhe.

Mitengo 21:8

Se Mkoma a to xamula, a txi khene ka Mosi: Maha mnyoka wo tura, u wu hayeka ha phandeni, ti to ngako m'thu a txi lumwa ngu mnyoka, e wonetela mnyoka wa msuku, kasi a na hanya.

Isaya 5:30

Ka ditshiku donedo, va na bhonga txitimwi kwawe kufana ni mavimbi a linene; se awule a no wona mafu, a na wona txidema ni kuxaniseka, kuwonekela ku na vhalelwa ngu txidema.

Isaya 14:29

U nga tsake, awe ditiko dotshe da Vafilista, ngu kule yi nga funywa ndonga yile yi nga ti ku peka, nguko amu ka mtwi wa mnyoka ku na huma txifofo, se m'hando wa kona i nava mnyoka wo tura, wu purumako.

Isaya 35:9

Eho kha ku na mbi va ni ngonyamo, hambi txihari txa tshofu, kha txi na mbi tsimbila ngu yona, kambe kha txi na mbi maneka ka yona; aniko vale va nga tirulwa, va na tsimbila ngu yona.

Ezekhiyele 20:46

Awe mwanana wa m'thu, rendekelisa khohe yako ka nzila ya Wulambwe, se u tshakunuta mapswi ako o wukela va Wulambwe, profeta u wukela txitinga txa thembweni ka Wulambwe.

Mika 6:14

Awe u na dya aniko khu na mbi khura; kambe kutxipiswa kwako ku nava mndani kwako; u na sengeletela aniko kha si na mbi huluka; se ni si u no si hulukisa, ani ni na si ningela ka ditxhari.

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Jobe 39:11

Mwendo u nga themba nyari, ngu mtamo wa yona wa hombe, mwendo u nga yi ninga mthumo wako kani?

Hoseya 12:2

Mkoma wa lwa ni Judha, kambe a na tsayisa Jakobe, madingano ni tinzila takwe; madingano ni mithumo yakwe a na m'hakela.

Zakariya 6:6

Txikotxikani txile txi ndindwako ngu mahantxhi a mtima, txiya ditikoni ka Wuphemba, se ale o basa me londeta ngu msana ka ale a mtima, ale a matshakatshaka ma txi ya ditikoni ka Wulambwe.