Isaya 30:4 - Bhiblia Yo Sawuleka

⁴ Nguko vathangeli vakwe va maneka Zowani, ni vakombisi vakwe va hokile Hanesi.

Isaya 30:4 Referans Kwoze

Isaya 19:11

Ngu ditshuri, vathangeli va Zowani nziphukuphuku; txikungo txa titxhari ti i ku madhota a Faro, ti mahile timbongola, mi m'gelisa kutxani koko Faro: “Ina ni mwanana va titxhari, mwanana va vafumeli va kale kani?”

Jeremiya 43:7

Se va to wulela ditikoni ka Egipta, nguko kha va engisa dipswi da Mkoma ka Jeremiya, va to hoka Tafinesi.

Isaya 57:9

Se uya ka mfumeli ni mafura, kambe wa andisa mafura ako o bhumula; wa rumela sirumwa sako si txi ya kule, kambe wa va ruma kala Xeyoli.

Hoseya 7:16

Vona va wuya, kambe kha va wuyeli Nyatxitimwi. Va ti mahile kufana ni wulaho wo kanganyisa; vathangeli vawe va dawa ngu ditxhari, ngu mhaka ya wulala wa lidimi lawe; atiya ti nava txisekiso ditikoni ka Egipta.

Ezekhiyele 30:18

Aniya Tafinesi ditshiku di na phuma, mbimo yi ni no funyeletela makange a Egipta, me guma matshanza a mtamo wakwe; direfu dokari di na fenengeta Egipta, se vanana vakwe vamahorana va na va wukhumbini.

Ezekhiyele 30:14

Se Patrosi a na va dirumbi, ni na hisa Zowani, ni na lamula Nomi.

2 Vafumeli 17:4

Hambi keto, mfumeli wa Asiriya a mani txikungo txa Hoseya, nguko a ti rumete mitumi ka So, mfumeli wa Egipta, asi ngadi e luva kambe ka mfumeli wa Asiriya dilembe ni dilembe, nga kale; sekoko mfumeli wa Asiriya a to mkhotela mkorani.

Mitengo 13:22

Se ve kwela ngu didhawa da wulambwe ka kona, veza ve hoka Hebroni; eho ku nga ti zumbile Ahimani, ni Sezayi, ni Talimayi, vatukulu va Anaki (Hebroni ngu kona ko khata kuakwa ngu masoni ka mtxhanu wa malembe ni mambidi na ku si se akwa Zowani, ka Egipta.)

Masalmo 78:12

Masoni ka vakale vawe, Txizimu txi mahile sidiwukiso, ditikoni ka Egipta, libalani ka Zowani.

Jeremiya 49:14

Ni pfite diguwa di txi ta ngu ka Mkoma, di txi kha dona ku ni mtumi wu rumwako ka matiko, kuya kha wona: Sengeletanani, mwukeleni, khukhani mi txi tsula yimbini.

Obhadhiya 1:1

Txiwoniso txa Obhadhiya: Mkoma Txizimu a womba tiya madingano ni Edhomi: Hi pfite txhumayelo ya Mkoma, ni ku kurumetwe txirumwa ka matiko, kuya womba tiya: “Khukhani, hi khukhela kulwa ni Edhomi.”