Isaya 30:3 - Bhiblia Yo Sawuleka

³ Nguko mtamo wa Faro, wu na mi thela tingana, ni kuthemba mtsudi wa Egipta, ku na mi wusela pfilu-pfilu.

Isaya 30:3 Referans Kwoze

Isaya 20:5

Se va na xamala, veva ni tingana, ngu mhaka ya Vaetiyopiya, ava va va thembako, ni Vaegipta va va ti dhumisako ngu vona.

Varoma 10:11

Nguko Mibhalo yi womba tiya: “Wuhi ni wuhi a kholwako kwakwe, kha na mbi wiswa tingana.”

Varoma 5:5

Kuthemba kha ku hi wisi tingana, nguko lirando la Txizimu li thetwe timbiluni kwathu, ngu Moya wo Sawuleka, wu hi nga ningwa.

Isaya 36:6

Na ti wona taku u themba ndonga yile ya litshava lo funyeka, i ku Egipta, aha kaku m'thu a txo khigetela ka lona, li na mthola dianza, li dhoda ka dimwani didhawa; ngu toneto nene Faro, mfumeli wa Egipta, ka votshe vale va mthembako.

2 Vafumeli 18:21

Na ti wona to u themba mtxheketelo wule wa litshava lo funyeka, kona Egipta, aha kaku m'thu a txo khigetela ka lona, li na mthola manzani li dhoda ka dimwani didhawa; ngu nga toneto nene Faro mfumeli wa Egipta, ka vale va mthembako.

Masalmo 108:12

Hi vhune kuxula valala vathu, nguko txivhuno txa vathu kha txi nyawuli.

Isaya 20:6

Sekoko ka ditshiku donedo, vaaki va txitondoloni, va na kha vona: Wonani ti ti humelelako vale hi nga va themba, avale hi nga ti ti tutumela kwawe, kasi ku hi huluka ka mfumeli wa Asiriya! Se athu koko, hi na hulukisa kutxani kani?

Jeremiya 2:36

Ngu kutxani u kuluvetako kujika, u txitxa nzila yako kani? U engeta u xowokiswa ngu Egipta, ngako u nga wiswa tingana ngu Asiriya.

Jeremiya 42:18

Nguko a womba tiya Mkoma wa Mabutho a Tiyimbi, Txizimu txa Israyeli: Nga ti ku nga thekelisa tona kuhenya kwangu ni txiviti txangu ka vale va zumbako Jerusalema, ku na thekelisa toneto kuhenya kwangu txitimwi kwanu, aha ni no wulela Egipta; mi na maneka mi txi ruketelwa, txixamaliso, txinyenyeko, ni kutxhipiswa, kha mi na mbi wu wona kambe wukhalo wuwa.

Jeremiya 42:22

Ti ziveni koko ngu ditshuri tito, mi na dawa ngu ditxhari, ngu nzala ni mtungu, konaho mi nga ya luvela kona.

Hoseya 10:6

Nene Asiriya a na tekwa ku nga txiningo ka mfumeli Jerebhi; Efrayime a na vhilinganyeka, se Israyeli a nawa tingana ngu mhaka ya milayo yakwe apune.

Mavingu 25:19

M'thu wo mbi na ditshuri ngu mbimo ya xomulo, a fana ni dikwasa do phatuka, ni mkondo wo khuduka.

Jeremiya 46:25

Mkoma wa Mabutho a Tiyimbi, Txizimu txa Israyeli, a khene: Wona taku ni na tsayisa Amoni wa No, ni Faro, ni Egipta, ni sizimu sa kona ni vafumeli vawe; kwakwe apune Faro, ni ka vale va mthembako.

Ezekhiyele 29:7

Mbimo yile va nga kuñola ngu dianza, u ti funyile u txi va dayisela otshe makata.