Isaya 30:25 - Bhiblia Yo Sawuleka

²⁵ Kambe ka yotshe mimango yo lapha, ni ka sotshe simangwana so guleka, sinambwana ni milonga ya mati, ka ditshiku da kudawa ka hombe, mbimo yile si nowa sitezi.

Isaya 30:25 Referans Kwoze

Mtuletelo 22:1

Msana keto, ngelozi yi to ni komba mnambo wa mati a wutomi, o khetima nga kristali; wu txi huma ngu ka txikhalo txa wukoma txa Txizimu ni txa Txinvutana.

2 Vakorinto 10:4

Nguko, matxhari awa hi lwako ngu ona hi nga a kuthumiswa ngu vathu, aniko mtamo wa ona wuta ngu ka Txizimu. Athu ha hasamula makungo a mipalavanya;

Johani 7:38

Awule a kholwako kwangu, nga ti Mibhalo yi wombako, ‘minambo ya mati o hanya yi na khulunga, yi txi huma ngu mbiluni kwakwe.’ ”

Nahume 3:12

Yotshe mikhokhola yako mi na nga mikuwu, yi ku ni makuwu o vitwa; ma txi zuzwa, ma wela mkanani ka wule a no ma dya.

Ezekhiyele 34:26

Se ka tona, ni makhalo ma nga randela simangwana, ni na thela kukateka; ni na nisa mati ngu mbimo ya kona; ma nava mati a makatekwa.

Ezekhiyele 34:13

Se ni na ti thavisa ka vathu, ni txi ti wuyisa ngu ka matiko o hambana, ni na ti wuyisa ditikoni ka tona, ni txi ti dyisela mimangoni ka Israyeli, hafuhi ni milonga, ni ka otshe makhalo ma nga akwa ha mafuni.

Ezekhiyele 17:22

Mkoma Txizimu a khene: Se ni na teka tshoka ya mkedhari ni txi yi phaya; ka ale ma thungako ni na wila da diphya ngutu, ni txi ya di phaya ka mmango wo guleka, wo tshura.

Isaya 37:36

Sekoko Ngelozi ya Mkoma yi to huma yi ya lovisa 185.000 wa vathu, wugoveloni ka Vasiriya. Se mbimo yi va nga wuka ni mixo ngutu, va to wona sirumbi dwe.

Isaya 32:14

Nguko nyumba ya wukoma yi na sala yokha, diguwa da didhoropa di na guma; mimango ni sitezi sa vawoneleti si na maha tiphako ka yotshe mbimo, emo timangwa ti no tutuma-tutuma kona, ku txi maha lihawu la sifuyo.

Isaya 48:21

Se Jakobe asi nga ni ditora, mbimo yile a nga mtsimbitisa ngu txiwulani; a to mkhulongisela mati ngu mu ka dirigwi; e bhandisa marigwi, se mati me pfukula ngu konemo.

Ezekhiyele 47:1

Msana keto, a to ni wuyiswa ka txike txo wulela ngu txona nyumbani, se ku ti ti huma mati ngu hahatshi ka msasimo wa nyumba, ngu wutxani; nguko masoni ka nyumba ku ti ti rendekete wutxani, mati ma ti ti ta ngu hahatshi, kukhukhela ka didhawa da txinene ka nyumba, ni didhawa da wuphemba kala txiluveloni.

Joyeli 3:18

Se ku na maheka taku ka ditshiku dile, mimango yi na vhelisa vhinya ya yiphya, simangwanani ku na khulunga masi, yotshe minambo ya ka Judha yi na va yi di tate ngu mati; se ku na huma txisima ngu Nyumbani ka Mkoma txi theletela mkovani ka Sitime.

Mitengo 24:7

Mati ma na khulunga ngu mabhaketi akwe, mbewu yakwe yi na nakaniswa ngu mati amangi. Mfumeli wakwe a na va wa hombe kupinda Agage. Mfumo wakwe wu na va ni mtamo.