Isaya 30:23 - Bhiblia Yo Sawuleka

²³ Sekoko a na nisa mati txitimwi ka mbweu yi u no phaya mafuni; kumweko ni dipawu dadiphya da mafuni; mafu ma na nona me pfuna; ka ditshiku dile, sifuyo sako si nadya ka makhalo o anama a wudyiselo.

Isaya 30:23 Referans Kwoze

Isaya 32:20

Mi katekile anu mi phayako txitimwi ka otshe mati, kambe mi ningako kutxhatxheka ka minenge ya tihomu, ni ya timbongola.

1 Timoti 4:8

Nguko ku ti toloveta ka mithumo ya mmidi kuvhuna ka kudotho, kasi ku ti toloveta ka mithumo ya wukhongeli kuvhuna ka totshe, nguko ku na ni txithembiso txa wutomi wa konkuwa ni wa mbimo yi yi tako.

Malakiya 3:10

Tisani sotshe sa wugumi ka nyumba ya wuxayiselo, ti to ku nava ni sakudya nyumbani kwangu, se ngu kumaha keto ni duketeni, kuwomba Mkoma wa Mabutho a Tiyimbi, ku mwendo na mbi mi tulela mafasitela a nzumani, ni mi tshakunutela makatekwa o tala, aya mi no pwata ni ko thela kona.

Zakariya 10:1

Kombelani mati a nzuma ka Mkoma, ngu mbimo ya nzuma ya mbimo ya kudima; Mkoma ngene a nga va nga kukeluka, a na va ninga mati a nzuma, ni similwa ka thembwe ya mmwani ni mmwani.

Isaya 58:11

Se Mkoma a na ku thangela yotshe mbimo, e khurisa muhefemulo wako ka makhalo a txihala, kambe a na tsanisa marambu ako; se u na fana ni thembwe yo theletelwa mati, ni ku nga txisima txi mati a txona ma si phwiko.

Masalmo 36:8

Ha tsaka ngutu ngu kupfa kukhura ngu sakudya so tala sa nyumbani kwako; awe wa hi ninga kusela mati a mnamboni ka wunene wako,

Genesisi 41:18

Ku to huma mtxhanu wa tihomu ni timbidi ta vamakati, ti txi huma ngu mnamboni, to ena ni kutshura, ti txi dya lihawu.

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

Malakiya 4:2

Aniko kwanu anu mi thavako ditina dangu, ku na huma ditambo da wululamo, se wuhulukisi wu na va hahatshi ka tibhapi ta dona; kambe mi na huma mi txi ndaka-ndaka ku nga marole hahanze ka txibala.

Jeremiya 14:22

ina txiho txifananiso hagari ka vamatiko txi sikotako kunisa mati kani? Mwendo nzuma yi nga sikota kunisa mati yipune kani? Ina hi ngawe kani Mkoma, Txizimu txathu kani? Ngu konaho, hi na kuverela, nguko ngawe u nga maha sotshe siya.

Isaya 5:6

Thembwe yi na maha txiwula, kha yi na mbi sakatwa, hambi kudimwa; kambe ku na mila txipopo ni mipa; ni na leleta marefu ti to ma si nisi nzuma txitimwi ka yona.

Isaya 4:2

Ka ditshiku dile, Dikhukhu da Mkoma di na tala ngu wudhumo ni kutshura; se mihando ya mafu nja, Vaisrayeli vale va nga sala.

Genesisi 41:26

Mtxhanu wa tihomu ni timbidi ta vamakati, totshura, ti kombisa mtxhanu wa malembe i mambidi; mtxhanu wa mihumbo ni yimbidi yo tshura yi kombisa mtxhanu wa malembe ni mambidi; aniko mloro wumwewo dwe.

Hoseya 4:16

Nguko va ka Israyeli va ni kanu kufana ni homu ya makati ya kanu; konkuwa Mkoma a na va dyisa kufana ni txinvutana ka wukhalo wo anama.

Genesisi 41:47

Ditiko da Egipta di to maneka di di pfuni ngutu sakudya mndani ka mtxhanu wa malembe ni mambidi.

Isaya 10:27

Se ti na maheka ka dona ditshiku dile taku, mrwalo wanu wu thaviswa makatani kwako, ni dikange dako ha thamoni kwako; se dikange di na funyeletelwa ngu mhaka ya kutotwa.

Isaya 65:21

Se va na aka tinyumba, ve zumba ka tona; va na phaya mivhinya, ve dya mihando ya kona.

Levhi 25:19

Ditiko di na humisa mihando ya dona, nanu mi na va ni sakudya sasingi, mi txi hanya ka dona ditikodo, ngu kudikha.

Levhi 26:3

Ngako mi txi londeta sileleto sangu, mi veketa milayo yangu, ni ku yi maha,

Levhi 26:5

Se kuelula ku na mi hokisa mu ka kuhula, kala ka mbimo ya kuphaya; mi na dya sakudya ngu kuenela, kambe mi na hanya ngu kuzumbiseka amu ditikoni kwanu.

Dhewuteronome 11:14

ni na wuyisa mati ka ditiko danu, a kuwa ngu mbimo yi yi lavekako, mati a wuxika ni mati a mbimo ya minyuko. Ngu toneto, u nga sikota kuelula fulaho yako, ni vhinya yako, ni mtona wako.

Masalmo 67:7

Txizimu txi na hi katekise! Mafu otshe ma na txi thave!