Isaya 30:21 - Bhiblia Yo Sawuleka

²¹ Se tinzeve tako ti na engisa dipswi msana kwako, di txi kha dona: Nzila ngu yona yi; tsimbilani ka yona, mi nga jikeni miya txinene mwendo txibhabha.

Isaya 30:21 Referans Kwoze

Masalmo 32:8

“Ni na kugondisa ni txi kukomba nzila yi u fanelako ku yi londeta; ni na kutsimbitisa ni si leki ku kulwela.

Isaya 58:11

Se Mkoma a na ku thangela yotshe mbimo, e khurisa muhefemulo wako ka makhalo a txihala, kambe a na tsanisa marambu ako; se u na fana ni thembwe yo theletelwa mati, ni ku nga txisima txi mati a txona ma si phwiko.

Dhewuteronome 5:32

Ngu kumaha keto, khatalelani kumaha ati Mkoma, Txizimu txanu, a nga mi leleta tona. Mi nga ti hambukiseni, mi txi ya ka didhawa da txinene mwendo da txibhabha.

Isaya 42:16

Ni na tsimbitisa mabhofu ngu nzila yi ma si yi ziviko, ni na ma maha me tsimbila ngu magondo ale ma nga mbi ma ziva; ni na hundula txidema txi maha kuwonekela masoni kwawe; ni so maha so gombonyeka ni na si lulamisa. Simaheso ni na si maha, kambe kha ni na mbiswa ni va leka.

Jeremiya 6:16

Mkoma a khene: Emani tinzilani, mi wonisisa; mi wotisela tinzila ta kale, mi txi khanu: Kasi nzila ya yinene ngu yihi kani? Sekoko, tsimbilani ngu yona. Mi na mana kuhumula ka mihefemulo yanu. Aniko vona va to xamula, va txi kha vona: Kha hi tumeli kutsimbila ngu yona.

Isaya 48:17

Mkoma, i ku Mutiruli wako, Msawuleki wa Israyeli, a khene: Ani ngani Mkoma, Txizimu txako, awu a ku gondisako ti ti vhunako, ni ku kukomba nzila yi u felako kutsimbila ngu yona.

Joxuwa 1:7

Tsana, uva ni mtamo, u tsanisa mbilu, kasi ku u txi khutalela kuxayisa yotshe milayo yi Mosi, txithumi txangu, a nga kuleleta; u nga ti hambukise ka yona, u txi ya txinene mwendo txibhabha, kasi ku u na humelela ka yotshe mithumo yako.

Mavingu 4:27

U nga wekelele hambi txinene, mwendo txibhabha; thavisa mkondo wako kubihani.

Isaya 29:24

Se vale va nga wekela moyani, va na tava ni mapimo, ni vale vo ngungurukela, va na tumela kugondiswa.

2 Vafumeli 22:2

Se a to maha ta tinene masoni ka Mkoma; kambe a to tsimbila ngu totshe tinzila ta tate wakwe Dhavhidha, kha ngaza e khukha ka tona, eya txinene mwendo txibhabha.

Joxuwa 23:6

Mahani mtamo, mi txi vekisa ni kuxayisa totshe ti ti nga bhalwa amu dibhukuni ka Mlayo wa Mosi, mi si hambuki, mi txi ya txineneni mwendo txibhabha.

1 Johani 2:27

Se anu, kutotwa ku mi nga kuamukela kwakwe, wu zumbile kwanu, se kha mi ngadi mi txi fanela kugondiswa ngu m'thu; nguko kutotwa ka ditshuri, kha ku wombi makuhu, ngu konaho, zumbani kwakwe Kristu, nga ti ku nga mi gondisa tona.

1 Johani 2:20

Se anu mi totilwe ngu kusawuleka, ma tiziva totshe.

1 Samuwele 12:23

Se ti nave kule ni nani kuonhela Mkoma, ngu kuleka ku mi kombelela; kambe ni na mi gondisa nzila ya yi nene ni yo lulama.